ಶಹಾಪುರ: ಬೀದರ್: ದಿ. ಜಯತೀರ್ಥ ರಾಜಪುರೋಹಿತ ಸ್ಮಾರಕ ರಾಜ್ಯಮಟ್ಟದ ಕನ್ನಡ ಕಥಾ ಸ್ಪರ್ಧೆಗೆ ಗುಲ್ಬರ್ಗ ವಿಶ್ವವಿದ್ಯಾಲಯವು ಸಣ್ಣ ಕಥೆಗಳನ್ನು ಆಹ್ವಾನಿಸಿದೆ. ಸ್ಪರ್ಧೆಯಲ್ಲಿ ಭಾಗವಹಿಸುವ ಕಥೆಗಾರರು ತಾವು ಬರೆದ ಕಥೆಯ(ನಾಲ್ಕು) ಪ್ರತಿಗಳನ್ನು ಆ.20 ರೊಳಗೆ ನಿರ್ದೇಶಕರು, ಪ್ರಸಾರಾಂಗ, ಗುಲ್ಬರ್ಗ ವಿಶ್ವವಿದ್ಯಾಲಯ, ಗುಲ್ಬರ್ಗ-585 106 ಈ ವಿಳಾಸಕ್ಕೆ ಕಳುಹಿಸಬೇಕು. ಕಥಾ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನಗಳಿಸಿದ ಕಥೆಗೆ ದಿ. ಜಯತೀರ್ಥ ರಾಜಪುರೋಹಿತ ಸ್ಮಾರಕವಾಗಿ 2 ಸಾವಿರ ನಗದು ಹಣ ಮತ್ತು ಒಂದು ಚಿನ್ನದ ಪದಕ ನೀಡಲಾಗುವುದು. ಕಥೆಯು ಕನ್ನಡ ಭಾಷೆಯಲ್ಲಿರಬೇಕು. ಸ್ವಂತ ಕಥೆಯಾಗಿರಬೇಕು. ಈ ಮೊದಲು ಎಲ್ಲಿಯೂ ಪ್ರಕಟವಾಗಿರಕೂಡದು. ತಮ್ಮ ಕಿರು ಪರಿಚಯ ದೃಢೀಕರಿಸಬೇಕು ಎಂದು ಗುಲ್ಬರ್ಗ ವಿವಿ ಕುಲಸಚಿವರು ತಿಳಿಸಿದ್ದಾರೆ.
ಕನ್ನಡ ಕೃತಿಗಳಿಗೆ ಗೌರವಧನ
ಬೀದರ್: ಗುಲ್ಬರ್ಗ ವಿಶ್ವವಿದ್ಯಾಲಯದ ವ್ಯಾಪ್ತಿಗೆ ಹೊಂದಿಕೊಂಡಂತೆ ಆಂಧ್ರಪ್ರದೇಶ ಮತ್ತು ಮಹಾರಾಷ್ಟ್ರ ರಾಜ್ಯಗಳ ಕನ್ನಡ ಲೇಖಕರ ಕೃತಿಗೆ ಗೌರವಧನ ನೀಡುವುದಕ್ಕೆ ಗುಲ್ಬರ್ಗ ವಿಶ್ವವಿದ್ಯಾಲಯ ಕೃತಿಗಳನ್ನು ಆಹ್ವಾನಿಸಿದೆ. ಪ್ರತಿ ಕೃತಿಗೆ 5 ಸಾವಿರ ಗೌರವಧನ ಹಾಗೂ ಪ್ರಶಸ್ತಿ ನೀಡಲಾಗುವುದು. ಪುಸ್ತಕದ 4 ಪ್ರತಿಗಳನ್ನು ಆ.20ರೊಳಗೆ ನಿರ್ದೇಶಕರು ಪ್ರಸಾರಾಂಗ, ಗುಲ್ಬರ್ಗ ವಿಶ್ವವಿದ್ಯಾಲಯ, ಗುಲ್ಬರ್ಗ- 585 106 ವಿಳಾಸಕ್ಕೆ ಕಳುಹಿಸಬೇಕು.
