ಹೊನ್ನಾಳಿ: ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆವತಿಯಿಂದ ಅಸಮರ್ಪಕ ವಿದ್ಯುತ್ ಪೂರೈಕೆ ನೀತಿಯನ್ನು ಖಂಡಿಸಿ ಈ ಹಿಂದೆ ಬೆಂಗಳೂರಿನಲ್ಲಿ ಡಿಸೆಂಬರ್ 21ರಂದು ತೆಗೆದುಕೊಂಡ ನಿರ್ಣಯಗಳನ್ನು ಅನುಸ್ಥಾನಕ್ಕೆ ತರಲು ಒತ್ತಾಯಿಸಿ ಫೆಬ್ರವರಿ 4ರಂದು ಬೃಹತ್ ಪ್ರತಿಭಟನಾ ಮೆರವಣಿಗೆ ಹಾಗೂ ತಾಲೂಕು ಕಚೇರಿ ಮುತ್ತಿಗೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ತಾಲೂಕು ರೈತ ಸಂಘದ ಅಧ್ಯಕ್ಷ ಎಚ್. ನಾಗರಾಜಪ್ಪ ತಿಳಿಸಿದ್ದಾರೆ.
ಈ ಕುರಿತು ಆಯೋಜಿಸಲಾಗಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಆಡಳಿತ ನಡೆಸುವ ಎಲ್ಲಾ ಪಕ್ಷಗಳ ಸರ್ಕಾರಗಳು ಇದುವರಗೆ ರೈತ ಹಿತರಕ್ಷಣೆಗೆ ಮುಂದಾಗದೇ ಇರುವುದು ದೊಡ್ಡ, ನಿರಂತರವಾಗಿ ರೈತರು ಒಕ್ಕಲೆಬ್ಬಿಸುತ್ತಾ, ರೈತರ ಭೂಮಿಗಳಲ್ಲಿ ಅಭಿವೃದ್ಧಿಯ ಹೆಸರಿನಲ್ಲಿ ಭೂಸ್ವಾದೀನ ಮಾಡಿಕೊಂಡರೆ ಇನ್ನೊಂದೆಡೆ ಬಗರ್ ಹುಕುಂ ಸಾಗುವಳಿ ರೈತರ ಮೇಲೆ ಅರಣ್ಯ ಇಲಾಖೆಯ ಅಧಿಕಾರಿಗಳು ನಿರಂತರ ಕಿರುಕುಳ, ದೌರ್ಜನ್ಯ ನಡೆಸುತ್ತಲೇ ಬರುತ್ತಿದ್ದಾರೆ ಹೊಗಡೆ ಹೊಲಗದ್ದೆಗಳಲ್ಲಿ ಮಳೆ ಬಿಸಿಲಿಗೆ ಸಿಕ್ಕು ದುಡಿಯುವ ರೈತ ಸಾಲಮಾಡಿ ಹಣ ತಂದು ಬಿತ್ತನೆಮಾಡಿ ಬೆಳೆ ತೆಗೆಯಲು ಮುಂದಾದರೆ ಅವರ ಪಂಪ್ ಸೆಟ್‌ಗಳಿಗೆ ವಿದ್ಯುತ್ ನೀಡದೆ ಸತಾಯಿಸುತ್ತಿರುವ ಬೆಸ್ಕಾಂ ಇಲಾಖೆ ಈ ರೀತಿ ಹಲವಾರು ತೊಂದರೆಗಳ ಸುಳಿಯಲ್ಲಿ ಇಂದು ರೈತ ಸಿಲುಕಿ ನರಳಾಡುತ್ತಿದ್ದಾನೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ತಾಲೂಕು ರೈತ ಸಂಘದ ಕಾರ್ಯದರ್ಶಿ ಆರಂಡು ನಾಗರಾಜ್, ಜಿಲ್ಲಾ ಕಾರ್ಯಾಧ್ಯಕ್ಷ ಸಹದೇವಪ್ಪ ರೆಡ್ಡಿ, ಬಸವಾಜಪ್ಪ ಹೀರೇಮಠ ಮುರುಗೇಶ್, ಕರಿಬಸಪ್ಪ ಗೌಡ ಮುಂತಾದವರ ಉಪಸ್ಥಿತರಿದ್ದರು.
