ರಾಘವೇಂದ್ರ ರಾವ್‌ಗೆ ಅಂಬಿಕಾತನಯದತ್ತ ರಾಷ್ಟ್ರೀಯ ಪ್ರಶಸ್ತಿ

ಧಾರವಾಡ: ಕನ್ನಡ ಪ್ರಾಧ್ಯಾಪಕ, ಸಂಶೋಧನ ಮಾರ್ಗದರ್ಶಕ, ಲೇಖಕ ಡಾ. ಎಚ್.ಎಸ್. ರಾಘವೇಂದ್ರ ರಾವ್ ಅವರಿಗೆ 2013ನೇ ಸಾಲಿನ ಅಂಬಿಕಾತನಯದತ್ತ ರಾಷ್ಟ್ರೀಯ ಪ್ರಶಸ್ತಿ ಲಭಿಸಿದೆ.
ಗುರುವಾರ ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ ದ.ರಾ. ಬೇಂದ್ರೆ ರಾಷ್ಟ್ರೀಯ ಸ್ಮಾರಕ ಟ್ರಸ್ಟ್ ಅಧ್ಯಕ್ಷ ಡಾ. ಶ್ಯಾಮಸುಂದರ ಬಿದರಕುಂದಿ, ದ.ರಾ. ಬೇಂದ್ರೆ ಅವರ 118ನೇ ಜನ್ಮದಿನದ ನಿಮಿತ್ತ ಜ.31ರ ಸಂಜೆ 6ಕ್ಕೆ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದೆ.
ಪ್ರಶಸ್ತಿ ಮೊತ್ತ 1 ಲಕ್ಷವಿದ್ದು, ನಾಲ್ಕು ದಶಕಗಳ ಸಾಹಿತ್ಯ ಸಾಧನೆಗಾಗಿ ರಾಘವೇಂದ್ರರಾವ್ ಅವರಿಗೆ ಈ ಪ್ರಶಸ್ತಿ ಘೋಷಿಸಲಾಗಿದೆ ಎಂದರು.
ಜ. 31ರ ಬೆಳಗ್ಗೆ 11ಕ್ಕೆ ಬೇಂದ್ರೆ ಭವನದಲ್ಲಿ ಡಾ. ಎಚ್.ಎಸ್. ರಾಘವೇಂದ್ರ ರಾವ್ ಅವರ ಸಾಹಿತ್ಯ ಸಮೀಕ್ಷೆಯನ್ನು ಮೈಸೂರು ಮುಕ್ತ ವಿವಿಯ ಸಹಾಯಕ ಪ್ರಾಧ್ಯಾಪಕಿ ಡಾ. ಕವಿತಾ ರೈ ನಡೆಸಿಕೊಡುತ್ತಾರೆ. ರಾಧಾ ಕುಲಕರ್ಣಿ ಅವರ 'ಬಿದಿಗೆ ಚಂದ್ರ' ಧ್ವನಿ ಮುದ್ರಿಕೆ ಅರ್ಪಣೆಯಾಗಲಿದೆ. ಸಂಜೆ 6ಕ್ಕೆ ಹಿರಿಯ ವಿಮರ್ಶಕ ಡಾ. ಜಿ.ಎಸ್. ಆಮೂರ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ. ಡಾ. ವಾಮನ ಬೇಂದ್ರೆ ಹಾಗೂ ಡ.೤ ಕೆ.ಎಸ್. ಶರ್ಮಾ ಸಹ ಅಧ್ಯಕ್ಷತೆ ವಹಿಸುತ್ತಾರೆ ಎಂದು ಬಿದರಕುಂದಿ ಹೇಳಿದರು.