ಧಾರವಾಡ: 5ನೇ ವಾರ್ಡಿನ ಬಿಜೆಪಿ ಅಭ್ಯರ್ಥಿ ಶೀಲಾ ಅಂಚಟಗೇರಿ ವಿವಿಧ ಬಡಾವಣೆಗಳಲ್ಲಿ ಮಂಗಳವಾರ ಪಾದಯಾತ್ರೆ ಮೂಲಕ ಸಂಚರಿಸಿ ಮತ ಯಾಚಿಸಿದರು.
ಬಹಿರಂಗ ಪ್ರಚಾರ ಮುಗಿದ ಹಿನ್ನೆಲೆಯಲ್ಲಿ ಅಂಚಟಗೇರಿ ಅವರು ವಾರ್ಡಿನ ನೂರಾರು ಮನೆಗಳಿಗೆ ತೆರಳಿ ಬಿಜೆಪಿಗೆ ಈ ಬಾರಿಯೂ ಮತ ನೀಡುವಂತೆ ಮನವಿ ಮಾಡಿದರು.
ರಾಜ್ಯದ ಬಿಜೆಪಿ ಸರ್ಕಾರ ಪಾಲಿಕೆಗೆ ನೀಡಿರುವ ವಿಶೇಷ ಅನುದಾನದಲ್ಲಿ ಕೈಗೊಳ್ಳಲಾದ ಅಭಿವೃದ್ಧಿ ಕೆಲಸಗಳು ಮತ್ತು ಪಾಲಿಕೆ ವತಿಯಿಂದ ತಮ್ಮ ಅತ್ತೆ ಮಹಾನಂದಾ ಅಂಚಟಗೇರಿ ಅವರ ಜನಪರ ಕಾರ್ಯಕ್ರಮಗಳನ್ನು ಮತದಾರರಿಗೆ ಪ್ರಚುರ ಪಡಿಸುವ ಮೂಲಕ ಗಮನ ಸೆಳೆದರು. ತಾವೂ ತಮ್ಮ ಅತ್ತೆಯಂತೆ ವಾರ್ಡಿನ ಸರ್ವಾಂಗೀಣ ಅಭಿವೃದ್ಧಿಗೆ ಶ್ರಮಿಸುವುದಾಗಿ ಮತದಾರರಿಗೆ ಭರವಸೆ ನೀಡಿದರು.
ಪಾದಯಾತ್ರೆಯಲ್ಲಿ ರಾಜಶೇಖರ ಬೆಳಕ್ಕಿ, ಮಲ್ಲೇಶಿ ಶಿಂದೆ, ಈರಯ್ಯಾ ರಾಚಯ್ಯನವರ, ಬಸವರಾಜ ಬಾಳಗಿ, ಹಾತರಕಿ, ಪಳೋಟಿ, ಜಮಾದಾರ ಮತ್ತು 5ನೇ ವಾರ್ಡ್‌ನ ವಿವಿಧ ಸಮಾಜದ ಮುಖಂಡರು, ಪಕ್ಷದ ಕಾರ್ಯಕರ್ತರು, ನೂರಾರು ಮಹಿಳೆಯರು ಇದ್ದರು.
