ಗುಲ್ಬರ್ಗ: ಇಲ್ಲಿನ ಸರಾಫ್ ಬಜಾರ್ ಪ್ರದೇಶದಲ್ಲಿ ನಿಲ್ಲಿಸಿದ್ದ ಬೈಕ್‌ವೊಂದರ ಡಿಕ್ಕಿಯಲ್ಲಿ ಇಡಲಾಗಿದ್ದ 9.50 ಲಕ್ಷ ನೋಟಿನ ಕಂತೆಗಳಿರುವ ಚೀಲವನ್ನೇ ಕಳ್ಳರು ದೋಚಿದ್ದಾರೆ. ಈ ಸಂಬಂಧ ದಾಲ್‌ಮಿಲ್ ವರ್ತಕ ಬಸವರಾಜ ಏರಿ ಸೋಮವಾರ ಪೊಲೀಸರಿಗೆ ದೂರು ನೀಡಿದ್ದಾನೆ. ಚೌಕ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಬಸವರಾಜ ಏರಿ ಕಾರ್ಪೋರೇಷನ್ ಬ್ಯಾಂಕಿನಿಂದ ಈ ಹಣ ಪಡೆದು ಮನೆಗೆ ಹೊರಟಿದ್ದರು. ದಾರಿಯಲ್ಲಿ ಗೆಳೆಯ ನಾಗೇಂದ್ರ ಜೊತೆ ಮಾತುಕತೆ ನಡೆಸಿ ಇನ್ನೇನು ಮನೆ ದಾರಿ ಹಿಡಿಯುವವರಿದ್ದರು. ಬಸವರಾಜ ಇವರು ಹಣದ ಚೀಲವಿದ್ದ ಬೈಕ್ ಪಾರ್ಕ್ ಮಾಡಿದ್ದು, ಇದೇ ಸಮಯದಲ್ಲೇ ಕಳ್ಳರು ಹಣದ ಚೀಲ ಲಪಟಾಯಿಸಿದ್ದಾರೆ.
