ಕನ್ನಡಪ್ರಭ ವಾರ್ತೆ, ಸವಣೂರು, ಜ. 25
ಸಾಹಿತ್ಯ ಚಟುವಟಿಕೆ ಮೂಲಕ ಭಾಷೆ ಹಾಗೂ ಸಾಂಸ್ಕೃತಿಕ ವಲಯವನ್ನು ಸಮೃದ್ಧಗೊಳಿಸಲು ಸಾಧ್ಯ ಎಂದು ಮುಖಂಡ ಮಂಜುನಾಥ ಗಾಣಿಗೇರ ತಿಳಿಸಿದರು.
ಸವಣೂರಿನ ಸರ್ಕಾರಿ ಮಜೀದ ಪ್ರೌಢಶಾಲೆಯಲ್ಲಿ ತಾಲೂಕು ಕಸಾಪದ ಖಾದ್ರಿ ಶಹೀದ್ ಅವರ ದತ್ತಿನಿಧಿ ಕಾರ್ಯಕ್ರಮದ ಅಂಗವಾಗಿ ಸೂಫಿ ಶರಣರ ಜೀವನ ಕುರಿತು ಉಪನ್ಯಾಸ ಹಾಗೂ ದಯಾಲಜಿ ಭಾಯಿ ಖೇತನ ಕೋಟಕ್ ಅವರ ದತ್ತಿ ಕಾರ್ಯಕ್ರಮದ ಅಂಗವಾಗಿ ಜಾನಪದ ಗೀತಗಾಯನ ಉದ್ಘಾಟಿಸಿ ಮಾತನಾಡಿದರು.
ಹಜರೇಸಾಬ ನದಾಫ್ ಸೂಫಿ ಶರಣರ ಜೀವನ ಕುರಿತು ಉಪನ್ಯಾಸ ನೀಡಿದರು. ಕೆ.ಆರ್. ಹಿರೇಮಠ ಕಲಾ ಬಳಗ ಜಾನಪದ ಗೀತ ಗಾಯನ ನಡೆಸಿಕೊಟ್ಟರು. ಕಸಾಪ ತಾಲೂಕಾಧ್ಯಕ್ಷ ಮಲ್ಲಿಕಾರ್ಜುನ ಶಾಂತಗಿರಿ ಅಧ್ಯಕ್ಷತೆ ವಹಿಸಿದ್ದರು. ದತ್ತಿ ನಿಧಿ ದಾನಿಗಳಾದ ಜಯಂತ ಕೋಟಕ, ಕಸಾಪ ಪದಾಧಿಕಾರಿಗಳಾದ ಪ್ರಭು ಅರಗೋಳ, ಎನ್.ಎನ್. ಬಸನಾಳ, ಎಸ್‌ಡಿಎಂಸಿ ಸದಸ್ಯ ದಾಮೋದರ ಗಿತ್ತೆ, ಶಿಕ್ಷಕ ಎಸ್.ಪಿ. ಕುಂಬಾರ ಹಾಗೂ ಸಾಹಿತ್ಯಾಸಕ್ತರು ಪಾಲ್ಗೊಂಡಿದ್ದರು.
