ಗೌರಿಬಿದನೂರು: ಟಿವಿ, ಮೊಬೈಲ್, ರೇಡಿಯೋ ಮೊದಲಾದ ಮಾಧ್ಯಮಗಳ ಬಳಕೆ ನಿರ್ಬಂಧಿಸಿ ನಿರಂತರವಾಗಿ ಮಾರ್ಗಸೂಚಿಯಂತೆ ಶ್ರದ್ಧೆಯಿಂದ ವಿದ್ಯಾಥಿಗಳು ಅಭ್ಯಾಸ ಮಾಡಿದರೆ ಯಶಸ್ಸು ನಿಶ್ಚಿತ ಎಂದು ಆರಕ್ಷಕ ಉಪ ನಿರೀಕ್ಷಕ ದಯಾನಂದ್ ಹೇಳಿದರು.
ಇಲ್ಲಿನ ಸರ್ಕಾರಿ ಪ್ರೌಢಶಾಲೆಯಲ್ಲಿ ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿಗಳು, ಪೋಷಕರಿಗೆ ಏರ್ಪಡಿಸಿದ್ದ ಸಂವಾದ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು. ಮುಖ್ಯಶಿಕ್ಷಕಿ ವಿನುತಾ ಮಾತನಾಡಿ, ಕೃಷಿ, ಗೃಹ ಮತ್ತಿತರೆ ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳದೆ ಉಳಿದ ದಿನಗಳಲ್ಲಿ ಇಷ್ಟಪಟ್ಟು ವೇಳಾಪಟ್ಟಿ ತಯಾರು ಮಾಡಿಕೊಳ್ಳಬೇಕು. ಅದರಂತೆ ಖಚಿತಗುರಿಯೊಂದಿಗೆ ಸಂಕಲ್ಪ ತೊಟ್ಟು ಯತ್ನಿಸಿದರೆ ಗುಣಮಟ್ಟದ ಸಾಧನೆ ಸಾಧಿಸಬಹುದು ಎಂದರು. ಪೋಷಕರ ಪರವಾಗಿ ಅಶ್ವತ್ಥನಾರಾಯಣ, ಮಾತನಾಡಿದರು. ಗೆದರೆ ಗ್ರಾಪಂ ಅಧ್ಯಕ್ಷ ಶಿವಾನಂದರೆಡ್ಡಿ, ಗ್ರಾಪಂ ಸದಸ್ಯ ಜಿ.ಸಿ. ಶ್ರೀನಿವಾಸ ಉಪಸ್ಥಿತರಿದ್ದರು.
ಸಿ.ಶಶಿಧರ್, ಚಿಕ್ಕಸಿದ್ದಯ್ಯ, ಆನಂದರೆಡ್ಡಿ ಅವರನ್ನು ಅಭಿನಂದಿಸಲಾಯಿತು. ಮಾರ್ಗದರ್ಶಿ ಶಿಕ್ಷಕ ಜಿ.ಸಿ. ರಾಮಚಂದ್ರಯ್ಯ, ರಾಜಶೇಖರ್, ಡಿ.ಎಚ್. ಆಂಜಿನಪ್ಪ, ಜಿ.ಸಿ. ನಾಗರಾಜ್, ಅಬ್ದುಲ್ಲಾ ಪೆದ್ದಗಂಗಪ್ಪ, ಮೋಹನ್ ಮತ್ತು ಶ್ರೀರಾಮಯ್ಯ ಹಾಜರಿದ್ದರು.
