ಶಿಡ್ಲಘಟ್ಟ: ಜಿಲ್ಲೆಯಲ್ಲಿ ಪ್ರಸಿದ್ದಿ ಹೊಂದಿರುವ ಪಟ್ಟಣದ ಶ್ರೀ ವೇಣುಗೋಪಾಲ ಸ್ವಾಮಿ ದೇವಾಲಯದಲ್ಲಿ ಬ್ರಹ್ಮರಥೋತ್ಸವ ವಿಜೃಂಭಣೆಯಿಂದ ನಡೆಯಿತು.
ಪುರಸಭೆಯ ಚುನಾವಣೆಯ ಹಿನ್ನೆಲೆಯಲ್ಲಿ ನೀತಿ ಸಂಹಿತೆ ಜಾರಿಯಲ್ಲಿದ್ದ ಕಾರಣ ತಾಲ್ಲೂಕು ದಂಡಾಧಿಕಾರಿ-2 ಎಂ.ಕೆ. ರಮೇಶ್ ರಥೋತ್ಸವಕ್ಕೆ ಚಾಲನೆ ನೀಡಿದರು.ತಮ್ಮ ತಮ್ಮ ಹರಕೆಗಳು ಈಡೇರುವ ನಂಬಿಕೆಯಲ್ಲಿ ವೇಣುಗೋಪಾಲ ಸ್ವಾಮಿ ರಥದ ಮೇಲೆ ಭಕ್ತಾಧಿಗಳು ಬಾಳೆಹಣ್ಣು ಎಸೆಯುತ್ತಿದ್ದರು ಹಾಗೂ ಭಕ್ತಾಧಿಗಳು ತೇರು ಎಳೆಯುವ ಮೂಲಕ ಭಕ್ತಿಯನ್ನು ಪ್ರದರ್ಶಿಸಿದರು.
ಈ ಸಂದರ್ಭದಲ್ಲಿ ತಾಲೂಕು ದಂಡಾಧಿಕಾರಿ ಹನುಮಂತರಾಯ, ಶ್ರೀ ವೆಂಕಟೇಶ್ವರ ಇಂಜಿನಿಯರಿಂಗ್ ಕಾಲೇಜಿನ ವ್ಯವಸ್ಥಾಪಕ ನಿರ್ದೇಶಕ ಎಂ, ಶಶಿಧರ್, ಶ್ರೀ ವೇಣುಗೋಪಾಲಲ್ಸ್ವಾಮಿ ಸೇವಾ ಅಭಿವೃಧ್ಧಿ ಟ್ರಸ್ಟ್ ಅಧ್ಯಕ್ಷ ರಘು(ಬಳೇ), ಕಾರ್ಯದರ್ಶಿ ಮದುಸೂಧನ್, ಸಾಯಿಬಾಬಾ, ಅನಿಲ್, ನಾಗರಾಜ್, ಜೆ.ಜೆ. ಹರೀ ,ರಾಜಸ್ವ ನಿರೀಕ್ಷಕ ಮಂಜುನಾಥ್, ತಾಲೂಕಾದ್ಯಂತ ಸಹಸ್ರಾರು ಭಕ್ತಾಧಿಗಳು ಭಾಗವಹಿಸಿದ್ದರು.
