ಸುರಪುರ: ಯುವಕರು ದೇಶದ ಸಂಪತ್ತು. ದೇಶದ ಭವಿಷ್ಯ ಅವರ ತೋಳ್ಬಲದಲ್ಲಿ ಅಡಗಿದೆ. ಈ ನಿಟ್ಟಿನಲ್ಲಿ ಯುವಕರು ಪ್ರಜಾಸತ್ತಾತ್ಮಕ ಗುಣಗಳನ್ನು ಮೈಗೂಡಿಸಿಕೊಳ್ಳಬೇಕು. ಭವ್ಯ ಭಾರತದ ಸಂಸ್ಕೃತಿಯನ್ನು ಎತ್ತಿ ಹಿಡಿಯಬೇಕೆಂದು ತಹಸೀಲ್ದಾರ್ ಮಹ್ಮದ ಗೌಸುದ್ದೀನ್ ಕರೆ ನೀಡಿದರು.
ಇಲ್ಲಿನ ಪ್ರಭು ಕಾಲೇಜು ಮೈದಾನದಲ್ಲಿ ಶನಿವಾರ ತಾಲೂಕು ಆಡಳಿತ ಏರ್ಪಡಿಸಿದ್ದ 64ನೇ ಗಣರಾಜ್ಯೋತ್ಸದ ಧ್ವಜಾರೋಹಣ ನೆರವೇರಿಸಿ ಮಾತನಾಡುತ್ತಿದ್ದರು. ಕ್ಷೇತ್ರ ಶಿಕ್ಷಣಾಧಿಕಾರಿ ಎ.ವಿ. ಕೆಂಪರಂಗಯ್ಯ ಮಾತನಾಡಿದರು. ಶಂಬನಗೌಡ ಕೊಡೆಕಲ್, ತಾಪಂ ಅಧ್ಯಕ್ಷೆ ಸಾಬಮ್ಮ ಗೋಪಣ್ಣ ದೇಸಾಯಿ, ಪರಸಭೆ ಅಧ್ಯಕ್ಷ ಚಂದ್ರಶೇಖರ ಜಡಿಮರಳ, ಉಪಾಧ್ಯಕ್ಷ ರತ್ನಮ್ಮ ಎಲಿಗಾರ, ಎಪಿಎಂಸಿ ಅಧ್ಯಕ್ಷ ಬಸ್ಸಣ್ಣ ಬಂಗ್ಗಿ, ಪುರಸಭೆ ಸದಸ್ಯರಾದ ಸಿದ್ರಾಮಪಾಟೀಲ, ಲಿಯಾಖತ್ ಖಟಪಟ್, ಮುಖಂಡರಾದ ದೊಡ್ಡ ದೇಸಾಯಿ ದೇವರಗೋನಾಲ, ಪಿಐ ರಾಜಕುಮಾರ ವಾಜಂತ್ರಿ, ಪಿಎಸ್ಐ ಹನುಮಂತಪ್ಪ ಪಟ್ಟೇದಾರ, ಸಿಡಿಪಿಒ ಥಾಮಸ್ ದೊಡಮನಿ, ಸಮಾಜ ಕಲ್ಯಾಣಾಧಿಕಾರಿ ದೇನುಸಿಂಗ ಚವ್ಹಾಣ ಇತರರು ವೇದಿಕೆಯಲ್ಲಿದ್ದರು.
