ಮಧುಗಿರಿ: ರೈತನೊಬ್ಬ ಜಮೀನು ಕೆಲಸಕ್ಕೆ ತೆರಳಿದ್ದಾಗ ಕರಡಿ ಏಕಾಏಕಿ ಆತನ ಮೆಲೆ ಎರಗಿ ತಲೆ, ಕೈ ಪರಚಿ, ಕಡಿದು ಗಾಯಗೊಳಿಸಿರುವ ಘಟನೆ ತಾಲೂಕಿನ ದೊಡ್ಡೇರಿ ಹೋಬಳಿ ಮಲ್ಲೇನಹಳ್ಳಿ ಗ್ರಾಮದಲ್ಲಿ ಬುಧವಾರ ಬೆಳಿಗ್ಗೆ ನಡೆದಿದೆ.
ಕರಡಿ ದಾಳಿಗೆ ಒಳಗಾಗಿರುವವರನ್ನು ರೈತ ನಾಗಣ್ಣ (60) ಎಂದು ಗುರುತಿಸಲಾಗಿದೆ. ಬೆಳಿಗ್ಗೆ ಹೊಲದ ಕೆಲಸಕ್ಕೆ ಜಮೀನಿನ ಹತ್ತಿರ ಹೋಗಿದ್ದಾಗ 2 ಕರಡಿಗಳು ಪ್ರತ್ಯಕ್ಷವಾಗಿವೆ. ಅದರಲ್ಲಿ ಒಂದು ಕರಡಿ ನಾಗಣ್ಣನ ಮೇಲೆ ದಾಳಿ ಮಾಡಿ ತಲೆ, ಕೈಗಳಿಗೆ ಬಾಯಿಂದ ಕಡಿದು ಪರಚಿದೆ.
ದಾಳಿ ವೇಳೆ ಕಿರುಚಿದ ನಾಗಣ್ಣ ಅವರನ್ನು ಅಕ್ಕಪಕ್ಕದಲ್ಲಿದ್ದವರು ಬಂದು ಕರಡಿ ಓಡಿಸಿದ್ದಾರೆ. ಗಾಯಾಳು ನಾಗಣ್ಣ ಇಲ್ಲಿನ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
