ತುಮಕೂರು: ಬಡಗನಾಡು ಜನಾಂಗದ ಬಂಧುಗಳು ಒಗ್ಗಟ್ಟಿನಿಂದ ಜನಾಂಗದ ಶ್ರೇಯೋಭೃದ್ಧಿಗೆ ಕಾರ್ಯನಿರ್ವಹಿಸಬೇಕೆಂದು ಕೇಂದ್ರ ಸಂಘದ ಅಧ್ಯಕ್ಷ ಬಿ.ಎಸ್. ರವಿಶಂಕರ್ ಕರೆ ನೀಡಿದರು.
ಅವರು ಇಲ್ಲಿನ ಶೃಂಗೇರಿ ಶಂಕರಮಠದಲ್ಲಿ ನಡೆದ ಅಖಿಲ ಕರ್ನಾಟಕ ಬಡಗನಾಡು ಸಂಘದ ತುಮಕೂರು ಜಿಲ್ಲಾ ಶಾಖೆಯ 2013-14 ನೇ ಸಾಲಿನ ವಾರ್ಷಿಕ ಮಹಾಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಈ ದಿಸೆಯಲ್ಲಿ ಕೇಂದ್ರ ಸಂಘದಿಂದ ಎಲ್ಲಾ ರೀತಿಯ ಸಹಾಯ ಮತ್ತು ಸಹಕಾರಗಳನ್ನು ನೀಡುವುದಾಗಿ ತಿಳಿಸಿದರು.
ಸನ್ಮಾನ: ಇದೇ ಸಂದರ್ಭದಲ್ಲಿ ಬಿ.ಎಸ್. ರವಿಶಂಕರ್‌ಗೆ ಬಡಗನಾಡು ರತ್ನ ಎಂಬ ಬಿರುದು ನೀಡಿ ಸನ್ಮಾನಿಸಲಾಯಿತು. ನೂತನ ಅಧ್ಯಕ್ಷ ಎಂ.ವಿ. ಸೂರ್ಯನಾರಾಯಣರಾವ್ ಸನ್ಮಾನ ಪತ್ರ ಓದಿದರು. ಸಭೆಯಲ್ಲಿ 50 ವರ್ಷದ ದಾಂಪತ್ಯ ಜೀವನ ಪೂರೈಸಿರುವ ವೆಂಕಟರಾಮಯ್ಯ ಮತ್ತು ಸರೋಜಮ್ಮ ದಂಪತಿ ಹಾಗೂ 60 ವರ್ಷ ಪೂರೈಸಿದ ರಾಮರಾವ್ ಮತ್ತು ಹನುಮಂತರಾವ್ ಅವರನ್ನು ಅಭಿನಂದಿಸಲಾಯಿತು. ಬಡಗನಾಡು ಸಂಘದ ಜಿಲ್ಲಾ ಶಾಖೆಯ ಹಿಂದಿನ ಅಧ್ಯಕ್ಷರಾದ ಅಶ್ವತ್ಥನಾರಾಯಣ ಮತ್ತು ಕೆ.ಆರ್. ಸುಬ್ಬಣ್ಣ ಅವರನ್ನು ಸನ್ಮಾನಿಸಲಾಯಿತು.
