ಭಟ್ಕಳ: ದಕ್ಷಿಣ ಭಾರತದಲ್ಲಿ ರೋಮ್-1 ಪ್ರೀಪೇಡ್ ಸಿಮ್ ಕಾರ್ಡ್ ಅಧಿಕೃತ ವಿತರಣಾ ಶಾಖೆಯನ್ನು ಭಟ್ಕಳದಲ್ಲಿ ರೋಮ್-1 ದೂರವಾಣಿ ಸಂಪರ್ಕದ ಅಧ್ಯಕ್ಷರಾದ ಮನ್‌ಪ್ರಿತ ಸಿಂಗ್ ಬುಧವಾರ ಮಧ್ಯಾಹ್ನ ಬಿಡುಗಡೆಗೊಳಿಸಿದರು. ನಂತರ ಮಾತನಾಡಿದ ಅವರು, ರೋಮ್-1 ದೇಶ ವಿದೇಶಗಳಲ್ಲಿ ಒಳಬರುವ ಕರೆಯನ್ನು ಉಚಿತವಾಗಿ ನೀಡುವ ಪ್ರಪ್ರಥಮ ದೂರವಾಣಿ ಸಂಸ್ಥೆಯಾಗಿದ್ದು, ಹೊರ ದೇಶದಲ್ಲಿ ವ್ಯವಹಾರ ಮತ್ತು ಉದ್ಯೋಗ ಹೊಂದಿದವರಿಗೆ ಈ ಸಿಮ್ ಕಾರ್ಡ್ ಅತ್ಯಂತ ಉಪಯುಕ್ತವಾಗಿದೆ. ಇದೊಂದು ನಿರಂತರ ಉಪಯೋಗವಾಗುವ ಸಿಮ್. ಅಂತಾ ರಾಷ್ಟ್ರೀಯ ಮಟ್ಟದ 110 ದೇಶಗಳಲ್ಲಿ ಈ ಸಿಮ್ ಕಾರ್ಡ್ ಉಚಿತವಾಗಿ ರೋಮಿಂಗ್ ಕರೆಯನ್ನು ಹೊಂದಿದ್ದು, ಹೊರ ಹೋಗುವ ಕರೆಯೂ ಅತಿ ಕಡಿಮೆ ದರದಲ್ಲಿ ಲಭ್ಯವಿದೆ. ದೇಶದಲ್ಲಿ 50 ಸಾವಿರ ಗ್ರಾಹಕರ ಸಂಪರ್ಕ ಹೊಂದಿದ್ದು, ಭಾರತ ದೇಶದಲ್ಲಿ ಇನ್ನಷ್ಟು ಗ್ರಾಹಕರನ್ನು ಸೆಳೆಯುವ ಗುರಿ ಹೊಂದಲಾಗಿದೆ ಎಂದರು. ಈ ಸಂದರ್ಭದಲ್ಲಿ ಸುನಿಕೆ ಸ್ಪೋಕ್‌ನ ನಿರ್ದೇಶಕ ಕೃಷ್ಣ ಹೆಗಡೆ, ರಮೇಶ ಸೊಲ್ಲಾಪುರ, ಭಟ್ಕಳದ ವಿತರಣ ಕೇಂದ್ರದ ಮುಖ್ಯಸ್ಥ ಆನಂದ ಬಾಳಗಿ, ವಿವಿಧ ಭಾಗಗಳಿಂದ ಬಂದ ಸಂಪರ್ಕ ಅಧಿಕಾರಿಗಳು ಉಪಸ್ಥಿತರಿದ್ದರು.
---
