ಕುಮಟಾ: ಹೈದರಾಬಾದ್‌ನಲ್ಲಿ ಅವಳಿ ಬಾಂಬ್ ಸ್ಫೋಟಿಸಿ 22ಕ್ಕೂ ಅಧಿಕ ಜನರು ಸಾವಿಗೀಡಾಗಿದ್ದು, ನೂರಾರು ಮಂದಿ ಗಾಯಗೊಂಡ ಘಟನೆ ದೇಶದ ಜನರನ್ನು ದಿಗ್ಭ್ರಮೆಗೊಳಿಸಿದೆ. ಎಲ್ಲ ವರ್ಗದ ಜನರೂ ಆತಂಕಗೊಂಡಿದ್ದಾರೆ. ಆಡಳಿತ ವ್ಯವಸ್ಥೆ ಬಿಗಿಯಾಗಿಲ್ಲದ ಕಾರಣ ಆಗಾಗ ಭಯೋತ್ಪಾದನೆ ಚಟುವಟಿಕೆ ನಡೆದು ಜನರು ಸಂಕಷ್ಟಕ್ಕೆ ಒಳಗಾಗುತ್ತಿದ್ದಾರೆ. ಇಂಥ ಘಟನೆಗಳು ಮರುಕಳಿಸದಂತೆ ಎಚ್ಚರಿಕೆ ವಹಿಸಬೇಕು. ಉಗ್ರರನ್ನು ಶೀಘ್ರ ಬಂಧಿಸಿ, ಶಿಕ್ಷೆಗೆ ಗುರಿಪಡಿಸಬೇಕು ಎಂದು ವಿಶ್ವ ಹಿಂದೂ ಪರಿಷತ್ ಕಾರ್ಯಕರ್ತರು ತಹಸೀಲ್ದಾರ್ ಮೂಲಕ ರಾಷ್ಟ್ರಪತಿಗೆ ಮನವಿ ಸಲ್ಲಿಸಿದ್ದಾರೆ. ವಿಹಿಂಪ ಜಿಲ್ಲಾ ಸಂಚಾಲಕ ಪರಮೇಶ್ವರ ಹೆಗಡೆ, ಎಂ.ಜಿ. ಭಟ್ಟ, ಬಜರಂಗದಳ ಜಿಲ್ಲಾ ಸಂಚಾಲಕ ಗೌರೀಶ ಧಾರೇಶ್ವರ, ಶ್ರೀಧರ ಎನ್. ಹರಿಕಾಂತ್ರ, ನಾಗರಾಜ ಎಸ್. ಹಣಿ, ಅಕ್ಷಯ ಕೆ. ನಾಯ್ಕ, ಮಹಾದೇವ ಪಟಗಾರ, ವಿಶ್ವನಾಥ ನಾಯ್ಕ, ಗಜಾನನ ನಾಯ್ಕ, ಸಾಗರ ನಾಯ್ಕ, ಶಂಕರ ಉಪ್ಪಾರ, ಅಣ್ಣಪ್ಪ ನಾಯ್ಕ ಹಾಗೂ ಬಜರಂಗದಳದ ಕಾರ್ಯಕರ್ತರು ಇದ್ದರು.
