ಲೋಕಸಭೆ ಚುನಾವಣೆ: ನಾಗಾಲ್ಯಾಂಡ್ ಬಿಜೆಪಿಯ 37 ಮುಖಂಡರು ರಾಜೀನಾಮೆ

ಕೋಹಿಮಾ: ನಾಗಾಲ್ಯಾಂಡ್ ಬಿಜೆಪಿಯ ಪ್ರಮುಖ 37 ಮುಖಂಡರು ಮಂಗಳವಾರ ಸಾಮೂಹಿಕವಾಗಿ ರಾಜೀನಾಮೆ ನೀಡಿದ್ದು, ಲೋಕಸಭೆ ಚುನಾವಣೆಯಲ್ಲಿ ಕೇಸರಿಪಡೆಗೆ ಭಾರಿ ಹಿನ್ನಡೆಯಾಗಿದೆ.

ನಾಗಾಲ್ಯಾಂಡ್ ಬಿಜೆಪಿ ಅಧ್ಯಕ್ಷ ತೆಮ್ಜೆನ್ ಇಮ್ನಾ ಅಲಾಂಗ್ ಲೊಂಗ್ಕುಮೆರ್ ಅವರಿಗೆ ರಾಜೀನಾಮೆ ಪತ್ರ ಸಲ್ಲಿಸಿರುವ ನಾಯಕರು, ಪಕ್ಷದ ತತ್ವ ಮತ್ತು ಸಿದ್ಧಾಂಗಳು ಹಿಂದೂತ್ವ ನೀತಿಯನ್ನು ವಿರೋಧಿಸಿ ತಾವು ಪಕ್ಷ ತೊರೆಯುತ್ತಿರುವುದಾಗಿ ಹೇಳಿದ್ದಾರೆ. ಅಲ್ಲದೆ ಬಿಜೆಪಿ ರಾಜ್ಯಾಧ್ಯಕ್ಷರ ಮತ್ತು ಸಂಘಟನಾ ಕಾರ್ಯದರ್ಶಿ ಅನಂತ್ ಮಿಶ್ರಾ ಕಾರ್ಯವೈಖರಿಗೆ ನಮ್ಮ ವಿರೋಧವಿದೆ ಎಂದು ಹೇಳಿದ್ದಾರೆ.

37 ಮುಖಂಡರು ತಮ್ಮ ರಾಜೀನಾಮೆಗೆ, ಪೌರತ್ವ ಮಸೂದೆ ವಿಚಾರದಲ್ಲಿ ಕೇಂದ್ರ ನಾಯಕರ ನಡೆ ಮತ್ತು ನಾಗಾ ರಾಜಕೀಯ ವಿಚಾರ ಸೇರಿದಂತೆ ಆರು ಪ್ರಮುಖ ಕಾರಣಗಳನ್ನು ನೀಡಿದ್ದಾರೆ.

ರಾಜ್ಯದ ಹಿರಿಯ ಕಾರ್ಯಕಾರಿ ಸದಸ್ಯರು ಸೇರಿದಂತೆ 37 ಪ್ರಮುಖ ಬಿಜೆಪಿ ಮುಖಂಡರು ಇಂದು ಪಕ್ಷದ ಪ್ರಾಥಮಿಕ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಿದ್ದಾರೆ.