ವಿಶ್ವ ರಕ್ತದಾನ ದಿನ 2017: ರಕ್ತದಾನ ಮಾಡುವಾಗ ಇವು ನಿಮ್ಮ ಗಮನದಲ್ಲಿರಲಿ

ಪ್ರತಿ ವರ್ಷದ ಜೂ.14 ನ್ನು ವಿಶ್ವ ರಕ್ತದಾನ ದಿನವನ್ನಾಗಿ ಆಚರಣೆ ಮಾಡಲಾಗುತ್ತಿದ್ದು, ರಕ್ತದಾನ ಮಾಡಬೇಕಾದರೆ ಗಮನದಲ್ಲಿಡಬೇಕಾದ ಅಂಶಗಳನ್ನು ಇಲ್ಲಿ ಪಟ್ಟಿ ಮಾಡಲಾಗಿದೆ.

ವಿಶ್ವ ರಕ್ತದಾನ ದಿನ

ಜೂ.14 ನ್ನು ವಿಶ್ವ ರಕ್ತದಾನ ದಿನವನ್ನಾಗಿ ಆಚರಣೆ ಮಾಡಲಾಗುತ್ತದೆ. ಒಂದು ಬಾರಿ ರಕ್ತದಾನ ಮಾಡಿದರೆ ಅದು ಮೂವರ ಜೀವವನ್ನು ಉಳಿಸಬಹುದು ಎನ್ನುತ್ತಾರೆ ವೈದ್ಯರು. ಒಂದು ಯುನಿಟ್ ನ ರಕ್ತದಾನದಿಂದ ಕೆಂಪು ರಕ್ತ ಕಣಗಳು, ಬಿಳಿ ರಕ್ತ ಕಣಗಳು, ಪ್ಲೇಟ್ ಲೆಟ್ ಗಳು ಪ್ರತ್ಯೇಕವಾಗಿ ಲಭ್ಯವಾಗಲಿದ್ದು, ಹಲವು ಜನರ ಜೀವ ಉಳಿಸಲು ನೆರವಾಗಲಿದೆ.

ಸುರಕ್ಷತೆ

ರಕ್ತದಾನ ಮಾಡಬೇಕಾದರೆ ಸ್ಥಳೀಯ ಕ್ಯಾಂಪ್ ಗಳ ಸುರಕ್ಷತೆ ಹಾಗೂ ನೈರ್ಮಲ್ಯ ಗುಣಮಟ್ಟವನ್ನು ಗಮನದಲ್ಲಿಟ್ಟುಕೊಳ್ಳಿ
ಹೊಸ ಸಿರಿಂಜ್ ಬಳಕೆ ಮಾಡಲಾಗುತ್ತಿದೆಯೇ ಹಾಗೂ ಬಾಟಲುಗಳ ಸ್ವಚ್ಛವಾಗಿದೆಯೇ ಎಂಬುದನ್ನು ಗಮನಿಸಿ
ರಕ್ತದಾನದ ಪ್ರಕ್ರಿಯೆಯಲ್ಲಿ ಅಲ್ಲಿರುವ ವೈದ್ಯರು ಅಥವಾ ಸಿಬ್ಬಂದಿಗಳು ಕೈಗವಸು ಧರಿಸಿದ್ದಾರೆಯೇ ಎಂಬುದನ್ನು ಗಮನಿಸಿ
ಶೀತ ಸೇರಿದಂತೆ ಸೋಂಕು ಸಮಸ್ಯೆ ಇರುವ ಯಾವುದೇ ವ್ಯಕ್ತಿಯೂ ರಕ್ತ ದಾನ ಮಾಡಬಾರದು
ರಕ್ತದ ಗುಂಪನ್ನು ಸ್ಪಷ್ಟಪಡಿಸುವ ಡೋನರ್ ಕಾರ್ಡ್ ಇಟ್ಟುಕೊಂಡಿರಿ

ಯಾರ್ಯಾರು ರಕ್ತದಾನ ಮಾಡಬಹುದು