ಬೆಂಗಳೂರು: ಟೆಕ್ಕಿ ಅನುಮಾನಾಸ್ಪದ ಸಾವು, ಪರ್ಸ್ ಫೋನ್ ನಾಪತ್ತೆ

ಬೆಂಗಳೂರು: ಕಾಡುಗೋಡಿಯ ಅಪಾರ್ಟ್​ಮೆಂಟ್​ನಲ್ಲಿ ಟೆಕ್ಕಿ ಅನುಮಾನಾಸ್ಪದವಾಗಿ ಮೃತಪಟ್ಟಿದ್ದಾನೆ. ಪಶ್ಚಿಮ ಬಂಗಾಳ ಮೂಲದ ಸೋಹನ್​ಕುಮಾರ್ ಹಲ್ದಾರ್(35)ಮೃತ ಟೆಕ್ಕಿ.

ಕಾಡುಗುಡಿಯ ಪ್ರೆಸ್ಟೀಜ್ ಶಾಂತಿನಿಕೇತನ ಅಪಾರ್ಟ್ ಮೆಂಟ್​ನ ಫ್ಲಾಟ್​ನಲ್ಲಿ ನೆಲೆಸಿದ್ದ. ಫ್ಲ್ಯಾಟ್​ನಲ್ಲಿ 4 ಕೊಠಡಿಗಳಿದ್ದು, ಒಂದರಲ್ಲಿ ಸೋಹನ್ ನೆಲೆಸಿದ್ದು, ಉಳಿದ ಮೂರರಲ್ಲಿ ಸ್ನೇಹಿತರು ವಾಸವಾಗಿದ್ದರು. ಕಳೆದ 2 ದಿನಗಳಿಂದ ಸೋಹನ್ ಕೆಲಸಕ್ಕೆ ಹೋಗಿರಲಿಲ್ಲ. ಮೊಬೈಲ್​ಗೆ ಕರೆ ಮಾಡಿದರೆ, ಸ್ವಿಚ್ ಆಫ್ ಎಂದು ಬರುತ್ತಿತ್ತು. ಇದರಿಂದ ಕಂಪನಿ ನೌಕರರು ಮನೆಗೆ ಬಂದು ನೋಡಿದಾಗ ಕೊಳೆತ ಸ್ಥಿತಿಯಲ್ಲಿ ಶವ ಪತ್ತೆಯಾಗಿತ್ತು.

2 ದಿನಗಳ ಹಿಂದೆಯೇ ಮೃತಪಟ್ಟಿದ್ದು, ಶವ ವಾಸನೆ ಬರುತ್ತಿತ್ತು. ದೇಹದ ಮೇಲೆ ಗಾಯದ ಗುರುತುಗಳಿಲ್ಲ. ಕಾುಗೋಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕೊಲೆಯೊ ಅಥವಾ ಕಾಯಿಲೆಯಿಂದ ಮೃತಪಟ್ಟಿದ್ದಾರೋ ಎಂಬುದು ಮರಣೋತ್ತರ ಪರೀಕ್ಷೆ ವರದಿ ಬಳಿಕ ತಿಳಿಯಲಿದೆ. ಸೋಹನ್ ಮೃತ ಪಟ್ಟಿರುವ ಸ್ಥಳದಿಂದ ಆತನ ಫೋನ್ ಮತ್ತು ಪರ್ಸ್ ನಾಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.