ಬೆಂಗಳೂರು ರೈಲ್ವೆ ವಲಯಕ್ಕೆ ನಿರಾಶಾದಾಯಕವಾದ ರೈಲ್ವೆ ಬಜೆಟ್

ಬೆಂಗಳೂರು: ಮೂರು ರೈಲು ಯೋಜನೆಗಳನ್ನು ದ್ವಿಗುಣಗೊಳಿಸುವುದಕ್ಕೆ ಹಣ ಬಿಡುಗಡೆ ಮಾಡದಿರುವುದು, ನೈರುತ್ಯ ವಲಯ ರೈಲುಗಳ ಪ್ರಯಾಣಿಕರ ಸೌಕರ್ಯಗಳ ಕಡೆಗೆ ಕೇಂದ್ರ ಬಜೆಟ್ ನಲ್ಲಿ ಅತ್ಯಲ್ಪ ಹಂಚಿಕೆ ಮಾಡಿರುವುದು ಬೆಂಗಳೂರು ರೈಲ್ವೆ ವಲಯಕ್ಕೆ ಈ ಬಾರಿ ಭಾರೀ ನಿರಾಸೆಯನ್ನುಂಟುಮಾಡಿದೆ. 

ಯಲಹಂಕ ಮತ್ತು ಬೈಯಪ್ಪನಹಳ್ಳಿ ನಡುವೆ ದ್ವಿಗುಣ ರೈಲು ಹಳಿಗಳ ನಿರ್ಮಾಣಕ್ಕೆ ಮಂಜೂರಾಗದಿರುವುದರಿಂದ ಉಪ ನಗರ ರೈಲು ಯೋಜನೆಗಳಿಗೆ ಹೊಡೆತ ಬಿದ್ದಿದೆ. ಇದು ಹೆಚ್ಚಿನ ರೈಲು ಓಡಾಟಕ್ಕೆ ಅಗತ್ಯವಾಗಿತ್ತು. ಪ್ರಯಾಣಿಕರ ಸುರಕ್ಷತೆಗೆ ಹೆಚ್ಚಿನ ಮಂಜೂರು ಒಂದೇ ಆಶಾದಾಯಕವಾಗಿದೆ.

ಈ ಬಾರಿಯ ಬಜೆಟ್ ನಲ್ಲಿ ರೈಲು ಯೋಜನೆಗಳ ಬಗ್ಗೆ ಮಂಡಿಸಲಾದ ಯೋಜನೆಗಳು, ನೀಡಲಾಗಿರುವ ಮೊತ್ತಗಳ ಬಗ್ಗೆ ಪ್ರತಿಕ್ರಿಯಿಸಿದ ರೈಲ್ವೆ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು, ರೈಲು ಬಜೆಟ್ ನಿಜಕ್ಕೂ ನಿರಾಶಾದಾಯಕವಾಗಿದೆ. ನಮಗೆ ಅಗತ್ಯವಿರುವುದು ಯಾವುದೂ ಸಿಕ್ಕಿಲ್ಲ. ಇದರಿಂದ ಬೆಂಗಳೂರು ರೈಲು ವಲಯಕ್ಕೆ ಹಿನ್ನೆಡೆಯುಂಟಾಗಿದೆ ಎನ್ನುತ್ತಾರೆ.