ಹಾರಂಗಿ ಜಲಾಶಯದಲ್ಲಿ ನೀರಿನ ಸಂಗ್ರಹ ಕುಸಿತ: ಕೊಡಗಿಗೆ ನೀರಿನ ಕೊರತೆ

ಮಡಿಕೇರಿ: ಜುಲೈ 2 ನೇ ವಾರದಲ್ಲಿ ಹಾರಂಗಿ ಜಲಾಶಯದಲ್ಲಿ ನೀರಿನ ಸಂಗ್ರಹ ಮಟ್ಟ ಕಳೆದ 3 ದಶಕಗಳಲ್ಲೇ ದಾಖಲೆಯ ಪ್ರಮಾಣದಲ್ಲಿ ಕುಸಿದಿದ್ದು, ಕೊಡಗು ಜಿಲ್ಲೆಗೆ ನೀರಿನ ಕೊರತೆ ಎದುರಾಗಲಿದೆ. ಭರ್ತಿ 8.5 ಟಿಎಂಸಿ ಅಡಿ ನೀರು ಸಂಗ್ರಹಣೆಯ ಸಾಮರ್ಥ್ಯ ಹೊಂದಿರುವ ಜಲಾಶಯದಲ್ಲಿ ನೀರಿನ ಮಟ್ಟ 2,836.75 ಅಡಿಯಷ್ಟಿದ್ದು, 3.9 ಟಿಎಂಸಿ ಯಷ್ಟು ಮಾತ್ರ ನೀರು ಸಂಗ್ರಹವಾಗಿದೆ. 

2,8859 ಅಡಿ ಜಲಾಶಯದ ಗರಿಷ್ಠ ನೀರಿನ ಮಟ್ಟವಾಗಿದ್ದು, ಕಳೆದ ವರ್ಷ 1,288 ಕ್ಯುಸೆಕ್ಸ್ ನಷ್ಟು ಒಳಹರಿವಿದ್ದರೆ ನೀರಿನ ಹೊರ ಹರಿವಿನ ಪ್ರಮಾಣ 4,585 ಕ್ಯುಸೆಕ್ಸ್ ನಷ್ಟಿತ್ತು. ಕಳೆದ ವರ್ಷ ಇದೇ ದಿನಗಳಲ್ಲಿ ಜಲಾಶಯದಲ್ಲಿನ ನೀರಿನ ಸಂಗ್ರಹ 5.99 ಟಿಎಂಸಿ ಅಡಿ ಇದ್ದರೆ 2015 ರಲ್ಲಿ ದಾಖಲೆಯ 6.67 ಟಿಎಂಸಿ ಅಡಿ ನೀರಿನ ಸಂಗ್ರಹವಿತ್ತು. ಆದರೆ ಈ ಬಾರಿ ನೀರಿನ ಸಂಗ್ರಹ ಮಟ್ಟ ದಾಖಲೆಯ ಪ್ರಮಾಣದಲ್ಲಿ ಕುಸಿದಿರುವುದರಿಂದ ಹಾರಂಗಿ ಜಲಾಶಯದಿಂದ ಕೃಷಿಗೆ ನೀರು ಪಡೆಯುವ ಪ್ರದೇಶದಲ್ಲಿರುವ ರೈತರಿಗೆ ಆತಂಕ ಎದುರಾಗಿದೆ. 

ಹಾರಂಗಿ ಜಲಾಶಯ ಅರಕಲಗೂಡು, ಹಾಸನ, ಪಿರಿಯಾಪಟ್ಟಣ, ಸೋಮಾರಪೇಟೆ, ಹುಣಸೂರು, ಕೆಆರ್ ನಗರ ತಾಲೂಕುಗಳಲ್ಲಿ ಸುಮಾರು 1.35 ಲಕ್ಷ ಎಕರೆ ಕೃಷಿಭೂಮಿಗೆ ನೀರಿನ ಆಧಾರವಾಗಿದೆ.