ಮೈಸೂರು: ನಾಗರಹೊಳೆ ಅಭಯಾರಣ್ಯದಲ್ಲಿ ಜಿಂಕೆಗಳ ಹಿಂಡಿನಲ್ಲಿ ಬಿಳಿಯ ಜಿಂಕೆ ಮರಿಯೊಂದು ಕಾಣಿಸಿಕೊಂಡಿದ್ದು ಪ್ರವಾಸಿಗರನ್ನು ಹೆಚ್ಚು ಆಕರ್ಷಿಸುತ್ತಿದೆ.
ನೂರಾರು ಜಿಂಕೆಗಳ ನಡುವೆ ಈ ಅಪರೂಪದ ಬಿಳಿ ಜಿಂಕೆ ಎದ್ದು ಕಾಣುತ್ತಿದೆ. ಇನ್ನು ಲವಲವಿಕೆಯಿಂದ ಅಡ್ಡಾಡಿಕೊಂಡಿದ್ದು ಪ್ರವಾಸಿಗರು ಈ ಜಿಂಕೆಯನ್ನು ನೋಡಲು ಹೆಚ್ಚು ಆಕರ್ಷಿತರಾಗುತ್ತಿದ್ದಾರೆ.
ನೀರು ಅರಸಿ ಕಬಿನಿ ಜಲಾಶಯಕ್ಕೆ ನೂರಾರು ಜಿಂಕೆಗಳು ಬರುತ್ತವೆ. ಅವುಗಳ ನಡುವೆ ಈ ಜಿಂಕೆ ಕಾಣಿಸಿಕೊಂಡಿರುವುದು ಅಚ್ಚರಿ ಮೂಡಿಸಿದೆ.
