ಆಹಾರ, ಮದ್ಯ, ನೀರು, ಪಾನೀಯಗಳನ್ನು ಗೊತ್ತುಪಡಿಸಿದ ಧೂಮಪಾನ ವಲಯದಲ್ಲಿ ಪೂರೈಸಲು ರೆಸ್ಟೋರೆಂಟ್ ಅಥವಾ ಬಾರ್ ಗಳಿಗೆ ಅನುಮತಿಸುವುದಿಲ್ಲ.ಈ ನಿಯಮಗಳನ್ನು ಅನುಸರಿಸಲಾಗದಿದ್ದರೆ, ಮಾಲೀಕರು ತಕ್ಷಣವೇ ಧೂಮಪಾನ ವಲಯವನ್ನು ತೆಗೆದು ಹಾಕಬೇಕು. ಇಲ್ಲದೆ ಹೋದಲ್ಲಿ ಬಿಬಿಎಂಪಿ ಅಧಿಕಾರಿಗಳು ತಮ್ಮ ವ್ಯಾಪಾರ ಪರವಾನಗಿಯನ್ನು ರದ್ದುಗೊಳಿಸಬಹುದು. ಬೆಂಕಿ ಅಪಘಾತಗಳನ್ನು ತಪ್ಪಿಸಲು ಮತ್ತು ಸಾರ್ವಜನಿಕರಲ್ಲಿ ಉತ್ತಮ ಆರೋಗ್ಯ ಕಾಳಜಿಯನ್ನು ತರಲು ಹೆಚ್ಚು ಹೆಚ್ಚು ಧೂಮಪಾನ ಮುಕ್ತ ವಲಯಗಳನ್ನು ರಚಿಸಲು ನೆರವಾಗುವಂತೆ ಸಾರ್ವಜನಿಕರು, ಪಬ್, ರೆಸ್ಟೋರೆಂಟ್ ಮಾಲೀಕರಿಗೆ ಅವರು ಮನವಿ ಮಾಡಿದ್ದಾರೆ.