ಚಿತ್ರದುರ್ಗ: 550 ಸಾಕ್ಷಿಗಳು ಮತ್ತು 500 ದಾಖಲೆಗಳನ್ನು ಪರೀಕ್ಷಿಸಿದ ಪ್ರಧಾನ ಹಿರಿಯ ಸಿವಿಲ್ ನ್ಯಾಯಾಧೀಶ ಹೆಚ್ ಎಂ ವಿರೂಪಾಕ್ಷಯ್ಯ ಕೇವಲ ಒಂದು ಗಂಟೆಯಲ್ಲಿ 69 ತೀರ್ಪುಗಳನ್ನು ನೀಡಿದ್ದಾರೆ.
ಪ್ರಗತಿ ಕೃಷ್ಣ ಗ್ರಾಮೀಣ ಬ್ಯಾಂಕಿನಲ್ಲಿ ಸಾಲ ಮರು ಪಾವತಿಯ 58 ಕೇಸುಗಳು, 5 ಅಪಘಾತ ಪ್ರಕರಣಗಳು, 5 ಕಾರ್ಮಿಕ ಕೇಸುಗಳು ಮತ್ತು 1 ಮನವಿ ಕೇಸನ್ನು ನಿನ್ನೆ ನ್ಯಾಯಾಧೀಶ ವಿರುಪಾಕ್ಷಯ್ಯನವರು ವಿಚಾರಣೆ ನಡೆಸಿ ತೀರ್ಪು ನೀಡಿದ್ದಾರೆ. ಪ್ರಗತಿ ಕೃಷ್ಣ ಗ್ರಾಮೀಣ ಬ್ಯಾಂಕಿನ ಕೋರ್ಟ್ ಸಂಕೀರ್ಣದಲ್ಲಿ ವಂಚನೆ ಪ್ರಕರಣ ಕೂಡ ಇದರಲ್ಲಿ ಸೇರಿದೆ. ಸಾಲ ಮರುಪಾವತಿಗೆ ಸಂಬಂಧಿಸಿದ ಹೆಚ್ಚಿನ ಕೇಸುಗಳಾಗಿದ್ದವು. ಕಳೆದ ಮೂರು ವರ್ಷಗಳಿಂದ ಈ ಎಲ್ಲಾ ಪ್ರಕರಣಗಳು ಬಾಕಿ ಉಳಿದಿದ್ದವು.
ತ್ವರಿತವಾಗಿ ಎಲ್ಲಾ ಪ್ರಕರಣಗಳ ವಿಚಾರಣೆ ನಡೆಸಿದ ನ್ಯಾಯಾಧೀಶರು ಒಂದೇ ಹಂತದಲ್ಲಿ ತೀರ್ಪು ನೀಡಿದರು.
Advertisement