ನಾಗರಹೊಳೆ ಅಭಯಾರಣ್ಯ: ಸಮೀಕ್ಷೆ ವೇಳೆ ಆನೆ ದಾಳಿಗೆ ಅರಣ್ಯಾಧಿಕಾರಿ ಬಲಿ

ಡಿಬಿ ಕುಪ್ಪೆ ಫಾರೆಸ್ಟ್ ರೇಂಜ್ ನಲ್ಲಿ ಈ ಘಟನೆ ನಡೆದಿದ್ದು, ಎಸ್ ಮಣಿಕಂಠನ್ (45) ಮೃತಪಟ್ಟ ಅಧಿಕಾರಿಯಾಗಿದ್ದಾರೆ.  ಪೊದೆಯ ಹಿಂದೆ ನಿಂತಿದ್ದ ಆನೆಯನ್ನು ಗಮನಿಸದೇ ಮಣಿಕಂಠನ್ ಪೊದೆಯ ಬಳಿ ಹೋಗಿದ್ದಾರೆ. ಈ ವೇಳೆ ದಾಳಿ ನಡೆದಿದ್ದು, ಅರಣ್ಯಾಧಿಕಾರಿ ಜೊತೆಗಿದ್ದ ರೇಂಜ್ ಫಾರೆಸ್ಟ್ ಅಧಿಕಾರಿ ಸುಬ್ರಹ್ಮಣ್ಯಸ್ವಾಮಿ ಸಹ ಗಾಯಗೊಂಡಿದ್ದಾರೆ. ಗಾಯಗೊಂಡ ಅಧಿಕಾರಿಗೆ ಹೆಚ್ ಡಿ ಕೋಟೆ ಬಳಿ ಇರುವ ಪ್ರಾಥಮಿಕ ಚಿಕಿತ್ಸಾ ಕೇಂದ್ರದಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.