ಮಂಗಳೂರು: ಅಕ್ಟೋಬರ್ 3ರಿಂದ (ಬುಧವಾರ) ಶಿರಾಡಿ ಘಾಟ್ ನಲ್ಲಿ ಬಸ್ ಸಂಚಾರಕ್ಕೆ ಅವಕಾಶ ಕಲ್ಪಿಸಲಾಗುತ್ತದೆ ಎಂದು ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಶಶಿಕಾಂತ್ ಸೆಂಥಿಲ್ ಹೇಳಿದ್ದಾರೆ.
ಮಂಗಳೂರಿನಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಜಿಲ್ಲಾಧಿಕಾರಿಗಳು ಶಿರಾಡಿ ಘಾಟ್ ಭೂ ಕುಸಿತವಾಗಿರುವ 12 ಕಡೆಗಳಲ್ಲಿ 8 ಕಡೆ ಅಪಾಯದ ಸೂಚನೆಗಳಿಲ್ಲ. ಅಪಾಯ ಸಂಭವಿಸಬಹುದಾದ 4 ಕಡೆಗಳಲ್ಲಿ ಪೋಲೀಸ್ ಭದ್ರತೆಯನ್ನು ನಿಯೋಜಿಸಲಾಗಿದೆ ಎಂದಿದ್ದಾರೆ.
ಬಸ್ ಸಂಚಾರ ಸಂಬಂಧ ಹಾಸನ ಜಿಲ್ಲಾಧಿಕಾರಿ ಹಾಗೂ ದಕ್ಷಿಣ ಕನ್ನಡ ಪೋಲೀಸ್ ಅಧೀಕ್ಷಕರೊಡನೆ ಸಹ ಮಾತುಕತೆ ನಡೆದಿದೆ. ವಾರಗಳ ಕಾಲ ಪರಿಶೀಲನೆ ನಡೆಸಿ ಬಳಿಕ ಘನ ವಾಹನ ಸಂಚಾರಕ್ಕೆ ಅವಕಾಶ ಕಲ್ಪಿಸುವ ಕುರಿತು ನಿರ್ಧರಿಸಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.
