ಚಿನ್ನದ ಅಂಬಾರಿಯೊಳಗೆ ಚಾಮುಂಡೇಶ್ವರಿ ಉತ್ಸವ ಮೂರ್ತಿಯನ್ನು ಇಡಲಾಗಿತ್ತು. ಅದರ ಎಡ-ಬಲಗಳಲ್ಲಿ ಕುಮ್ಕಿ ಆನೆಗಳಾದ ಕಾವೇರಿ, ವರಮಹಾಲಕ್ಷ್ಮಿ ಸಾಥ್ ನೀಡಿದರು. ಜಂಬೂ ಸವಾರಿಯಲ್ಲಿ ಮುಂಚೂಣಿಯಲ್ಲಿ ಬಲರಾಮ ಹೆಜ್ಜೆ ಹಾಕಿದ್ದು, ಅಭಿಮನ್ಯು, ನೌಫತ್ ಆನೆ ಸೇರಿದಂತೆ ಇನ್ನುಳಿದ ಆನೆಗಳು ಸಾಲು ಸಾಲಾಗಿ ಸಾಗಿದವು. ಜಂಬೂಸವಾರಿ ಹಿಂದೆ ಸ್ತಬ್ಧ ಚಿತ್ರಗಳ ಮೆರವಣಿಗೆ ಸಾಗಿದವು. ಈ ಬಾರಿ 42 ಸ್ತಬ್ಧ ಚಿತ್ರಗಳು ಪಾಲ್ಗೊಂಡಿದ್ದವು.
ಜಂಬೂ ಸವಾರಿಯ ನೇರ ಪ್ರಸಾರವನ್ನು ಚಂದನ ವಾಹಿನಿಯಲ್ಲಿ ನೇರವಾಗಿ ವೀಕ್ಷಿಸಲು ಮೈಸೂರು ನಗರದ 22 ಕಡೆಗಳಲ್ಲಿ ಎಲ್ ಸಿಡಿ ಪರದೆಯನ್ನು ಅಳವಡಿಸಲಾಗಿತ್ತು. ಕೆ ಆರ್ ವೃತ್ತದ ಬಳಿ 4 ಪರದೆಗಳು, ಸಯ್ಯಾಜಿ ರಾವ್ ಮಾರ್ಗ ಮೂಲಕ ಬನ್ನಿಮಂಟಪದವರೆಗೆ 22 ಪರದೆಗಳನ್ನು ಅಳವಡಿಸಲಾಗಿತ್ತು.
