ವಿದ್ಯಾರ್ಥಿನಿ ಗ್ಯಾಂಗ್ ರೇಪ್ ಬೆನ್ನಲ್ಲೇ ಪುತ್ತೂರಿನಲ್ಲಿ ಮತ್ತೊಂದು ಹೀನಕೃತ್ಯ: ಶಾಲಾ ಬಾಲಕಿಯ ಮೇಲೆರಗಿದ ಕಾಮುಕ ಅರೆಸ್ಟ್

ಪುತ್ತೂರು: ಜಿಲ್ಲೆಯಲ್ಲಿ ಸಾಮೂಹಿಕ ಅತ್ಯಾಚಾರ ಪ್ರಕರಣ ನಡೆದ ಬೆನ್ನಲ್ಲೇ ಅಪ್ರಾಪ್ತೆಯ ಮೇಲೆ ವಿವಾಹಿತನೋರ್ವ ಅತ್ಯಾಚಾರವೆಸಗಿದ ಪ್ರಕರಣ ಬೆಳಕಿಗೆ ಬಂದಿದೆ.

ಪುತ್ತೂರಿನ ಪಳನೀರು ಎಂಬಲ್ಲಿ ಶುಕ್ರವಾರ ಬೆಳಗ್ಗೆ ಈ ಘಟನೆ ನಡೆದಿದ್ದು, ಆರೋಪಿ ಪುತ್ತೂರಿನ ಮಾಡ್ನೂರು ಪಳನೀರು ನಿವಾಸಿ ಅಜಿತ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.

ಬಾಲಕಿ ಶಾಲೆಗೆ ಹೋಗುತ್ತಿದ್ದ ವೇಳೆ ಆರೋಪಿ ಅಜಿತ್ ಆಕೆಯನ್ನು ಸಮೀಪದ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಅತ್ಯಾಚಾರವೆಸಗಿದ್ದಾನೆ ಎನ್ನಲಾಗಿದೆ. 

ಸ್ಥಳೀಯ ಕಂಟ್ರಾಕ್ಟರ್ ಆಗಿದ್ದ ಅಜಿತ್ ಹಿಂದೆಯೇ ಮದುವೆಯಾಗಿದ್ದು ಪತ್ನಿಗೆ ವಿಚ್ಚೇದನ ನೀಡಿದ್ದ ಎಂಬ ಮಾಹಿತಿ ಇದೆ.

ಶಾಲೆಗೆ ತೆರಳುತ್ತಿದ್ದ ಬಾಲಕಿಗೆ "ನಿನ್ನ ಅಮ್ಮ ಅಸ್ವಸ್ಥರಾಗಿದ್ದಾರೆ" ಎಂದು ಸುಳ್ಳು ಹೇಳಿದ ಆರೋಪಿ ಅಜಿತ್ ಆಕೆಯನ್ನು ಶಾಲಾ ಮಾರ್ಗದಲ್ಲಿರುವ ಕಾಲುಹಾದಿಯ ತೋಟವೊಂದಕ್ಕೆ ಕರೆದೊಯ್ದು ಅತ್ಯಾಚಾರ ನಡೆಸಿದ್ದ. ಳಿಕ ವಿದ್ಯಾರ್ಥಿನಿ ಮನೆಗೆ ಬಂದು ತಾಯಿಯಲ್ಲಿ ವಿಷಯ ತಿಳಿಸಿದ್ದು ಮನೆಯವರು ಈ ಸಂಬಂಧ ಗ್ರಾಮಾಂತರ ಪೋಲೀಸ್ ಠಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಆರೋಪಿಯ ಬಂಧನವಾಗಿದೆ.

ಆರೋಪಿ ವಿರುದ್ಧ ಐಪಿಸಿ ಸೆಕ್ಷ ನ್‌ 376(2)(1), 3(1)(1)(2) 3(2)(ವಿ)3(2) ಎಸ್‌ಸಿ/ಎಸ್‌ಟಿ ಆ್ಯಕ್ಟ್ ಮತ್ತು ಪೋಕ್ಸೋ ಪ್ರಕರಣ  ದಾಖಲಾಗಿರುವುದಾಗಿ ದಕ್ಷಿಣ ಕನ್ನಡ ಜಿಲ್ಲಾ ಎಸ್ಪಿ ಲಕ್ಷ್ಮೀ ಪ್ರಸಾದ್‌ ಹೇಳಿದ್ದಾರೆ.

ಇತ್ತ ಕೃತ್ಯದಿಂದ ಬಾಲಕಿಯ ಕತ್ತು ಹಾಗೂ ಮರ್ಮಾಂಗಕ್ಕೆ ಘಾಸಿಯಾಗಿದ್ದು ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿನ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.