ಕೆಂಪೇಗೌಡ ಏರ್ ಪೋರ್ಟ್ ಟರ್ಮಿನಲ್-2 ಅಭಿವೃದ್ಧಿಗೆ 13 ಸಾವಿರ ಕೋಟಿ ರೂ. ಹೂಡಿಕೆ: ಮೊದಲ ಹಂತ ಪ್ರಧಾನಿಯಿಂದ ಉದ್ಘಾಟನೆ
ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ (KIA) ಬೃಹತ್ ವಿಸ್ತರಣೆಗೆ 13 ಸಾವಿರ ಕೋಟಿ ರೂಪಾಯಿ ಹೂಡಿಕೆ ಮಾಡಲಾಗಿದ್ದು, ಇದರ ಮೊದಲ ಹಂತವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ನಾಡಿದ್ದು ಶುಕ್ರವಾರ ಉದ್ಘಾಟಿಸಲಿದ್ದಾರೆ. ಮೊದಲನೇ ಹಂತ, ಟರ್ಮಿನಲ್ 2, ಎರಡನೇ ರನ್‌ವೇ, ಮಲ್ಟಿಮೋಡಲ್ ಸಾರಿಗೆ ಕೇಂದ್ರ, ಪ್ರವೇಶ ರಸ್ತೆಗಳ ವಿಸ್ತರಣೆ ಮತ್ತು ಆಂತರಿಕ ರಸ್ತೆ ಮೂಲಸೌಕರ್ಯವನ್
Published: 08th November 2022 10:02 AM | Last Updated: 08th November 2022 04:45 PM | A+A A-
ಪ್ರಧಾನಿಯಿಂದ ಉದ್ಘಾಟನೆಯಾಗಲಿರುವ ಟರ್ಮಿನಲ್ 2 ನ ಕಾಲ್ಪನಿಕ ನೋಟ
ಬೆಂಗಳೂರು: ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ (KIA) ಬೃಹತ್ ವಿಸ್ತರಣೆಗೆ 13 ಸಾವಿರ ಕೋಟಿ ರೂಪಾಯಿ ಹೂಡಿಕೆ ಮಾಡಲಾಗಿದ್ದು, ಇದರ ಮೊದಲ ಹಂತವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ನಾಡಿದ್ದು ಶುಕ್ರವಾರ ಉದ್ಘಾಟಿಸಲಿದ್ದಾರೆ. ಮೊದಲನೇ ಹಂತ, ಟರ್ಮಿನಲ್ 2, ಎರಡನೇ ರನ್‌ವೇ, ಮಲ್ಟಿಮೋಡಲ್ ಸಾರಿಗೆ ಕೇಂದ್ರ, ಪ್ರವೇಶ ರಸ್ತೆಗಳ ವಿಸ್ತರಣೆ ಮತ್ತು ಆಂತರಿಕ ರಸ್ತೆ ಮೂಲಸೌಕರ್ಯವನ್ನು ಒಳಗೊಂಡಿದೆ.
ಬೆಂಗಳೂರು ಇಂಟರ್ನ್ಯಾಷನಲ್ ಏರ್ಪೋರ್ಟ್ ಲಿಮಿಟೆಡ್ (BIAL) ನ ವಕ್ತಾರರು ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ಮಾಹಿತಿ ನೀಡಿ, ನಾವು ಆರಂಭದಲ್ಲಿ ದೇಶೀಯ ವಿಮಾನಗಳನ್ನು ನಿರ್ವಹಿಸುವುದನ್ನು ನೋಡುತ್ತಿದ್ದೇವೆ. ನಂತರ ಕ್ರಮೇಣ ಅಂತರಾಷ್ಟ್ರೀಯ ಹಾರಾಟ ಕಾರ್ಯಾಚರಣೆ ಪ್ರಾರಂಭಿಸುತ್ತೇವೆ ಎಂದು ಹೇಳಿದರು.
ನಗರ ನಿರ್ಮಾತೃ ಒಬ್ಬರ ವಿಶ್ವದ ಅತಿ ಎತ್ತರದ ಪ್ರತಿಮೆ ಎಂಬ ಹೆಗ್ಗಳಿಕೆಯ 108 ಅಡಿಯ ಕಂಚಿನ ಭವ್ಯ ಪ್ರತಿಮೆ!
— Statue Of Prosperity - ಪ್ರಗತಿಯ ಪ್ರತಿಮೆ (@sop108ft) November 7, 2022
ಇದೇ ನವೆಂಬರ್‌ 11 ರಂದು ಅನಾವರಣವಾಗಲಿದೆ - #StatueOfProsperity.#ಬನ್ನಿನಾಡಕಟ್ಟೋಣ @KarnatakaWorld @drashwathcn @narendramodi @BJP4Karnataka @BSYBJP @CMofKarnataka @AmitShah @BSBommai pic.twitter.com/InzCPgFdzi
ಎರಡನೇ ಟರ್ಮಿನಲ್‌ನ ಮೊದಲ ಹಂತವು 25 ಮಿಲಿಯನ್ ಪ್ರಯಾಣಿಕರನ್ನು ಸೇರಿಸಿದರೆ, ಎರಡನೇ ಹಂತವು 20 ಮಿಲಿಯನ್ ಪ್ರಯಾಣಿಕರನ್ನು ಸೇರಿಸುತ್ತದೆ. ಒಟ್ಟು ಟರ್ಮಿನಲ್ ಪ್ರದೇಶವು 17 ಭದ್ರತಾ ಚೆಕ್-ಇನ್ ಲೇನ್‌ಗಳೊಂದಿಗೆ 2,55,645 ಚದರ ಮೀಟರ್ ಆಗಿರುತ್ತದೆ. ಗೇಟ್ ಲಾಂಜ್ ಆಸನದಲ್ಲಿ 5,932 ಆಸನ ಸಾಮರ್ಥ್ಯವಿರುತ್ತದೆ. ಎರಡನೇ ಟರ್ಮಿನಲ್ ಸುಂದರ ನಗರವಾದ ಬೆಂಗಳೂರಿಗೆ ಸಮರ್ಪಣೆಯಾಗಿದೆ ಎಂದು ಅವರು ಹೇಳಿದರು.
ಟರ್ಮಿನಲ್ 2(T2)ನ್ನು ಒಳಗೆ ಮತ್ತು ಹೊರಗೆ ಹಚ್ಚ ಹಸಿರಿನೊಂದಿಗೆ ಹೊಂದಿಸಲಾಗಿದೆ. ಹೆಚ್ಚಿನ ಒತ್ತಡದ ಪ್ರದೇಶಗಳಲ್ಲಿ ಶಾಂತಗೊಳಿಸುವ ಉದ್ಯಾನಗಳನ್ನು ಒದಗಿಸುವ ಮೂಲಕ ಇದು ವಿವಿಧ ಹಂತಗಳಲ್ಲಿ ನವೀನ ಅನುಭವವಾಗಿದೆ ಎಂದರು.
ನಮ್ಮ ನಾಡಪ್ರಭು ಕೆಂಪೇಗೌಡರ ಕುರಿತು, ಅವರ ಪ್ರೇರಣಾದಾಯಕ ಜೀವನಚರಿತ್ರೆ ಆಧಾರಿತ ನುಡಿನಮನ:
— Dr. Ashwathnarayan C. N. (@drashwathcn) November 7, 2022
The Inspiring Tale of Nadaprabhu Kempegowda - the Founder of Namma Bengaluru, the Brand, and Brain Behind the Global City.@PMOIndia @CMofKarnataka @sop108ft#ಬನ್ನಿನಾಡಕಟ್ಟೋಣ #StatueOfProsperity pic.twitter.com/QyGo7mN11t
ಟರ್ಮಿನಲ್ 2 ನಲ್ಲಿ ಕರ್ನಾಟಕದ ಸಂಪದ್ಬರಿತ ಸಂಸ್ಕೃತಿ
ಪ್ರಯಾಣಿಕರ ಅನುಭವವನ್ನು ತಡೆರಹಿತವಾಗಿಸಲು T2 ನ ಪ್ರತಿಯೊಂದು ಅಂಶಕ್ಕೂ ತಂತ್ರಜ್ಞಾನವನ್ನು ಹೆಣೆಯಲಾಗಿದೆ. ಇಲ್ಲಿ ಎಲ್ಲಾ ಉನ್ನತ ಬ್ರ್ಯಾಂಡ್‌ಗಳನ್ನು ಹೊಂದಿರುವ ಇತರ ಯಾವುದೇ ವಿಮಾನ ನಿಲ್ದಾಣಕ್ಕಿಂತ ಭಿನ್ನವಾಗಿರುತ್ತದೆ. ಮಲ್ಟಿಮೋಡಲ್ ಹಬ್ ಟರ್ಮಿನಲ್ 1 ಮತ್ತು 2 ಮತ್ತು ಅದರ ಮುಂದಿನ ಹಂತ ಹೋಟೆಲ್‌ಗಳನ್ನು ಸಂಯೋಜಿಸುತ್ತದೆ.
ಭವಿಷ್ಯದಲ್ಲಿ ಬೆಂಗಳೂರು ಮೆಟ್ರೋ, ಬಸ್ ಸೇವೆಗಳು, ಟ್ಯಾಕ್ಸಿಗಳು ಮತ್ತು ಇತರ ಸಾರಿಗೆ ವಿಧಾನಗಳ ನಡುವೆ ವಿನಿಮಯ ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತದೆ. ಕರ್ನಾಟಕದ ಶ್ರೀಮಂತ ಇತಿಹಾಸ ಮತ್ತು ಸಂಸ್ಕೃತಿಯನ್ನು ಟರ್ಮಿನಲ್ 2ನಲ್ಲಿ ಡಿಜಿಟಲ್ ಮಾಧ್ಯಮ ಮತ್ತು ತಂತ್ರಜ್ಞಾನದ ಮೂಲಕ ವಿವಿಧ ಟಚ್ ಪಾಯಿಂಟ್‌ಗಳು, ಬ್ಯಾಗೇಜ್ ಬೆಲ್ಟ್ ಪ್ರದೇಶ ಮತ್ತು ಆಗಮನ ಹಾಲ್‌ನಲ್ಲಿ ದೊಡ್ಡದಾದ ವೀಡಿಯೊ ವಾಲ್‌ನಲ್ಲಿ ಪ್ರದರ್ಶಿಸಲಾಗುತ್ತದೆ.
