ಜಾತಿ ಪ್ರಮಾಣ ಪತ್ರ ಮತ್ತು ಇತರೆ ದಾಖಲೆಗಳಲ್ಲಿ ಕೊಡಗರು ಬದಲಿಗೆ ಕೊಡವ ಎಂದು ಬಳಸಲು ಗೆಜೆಟ್ ಅಧಿಸೂಚನೆ!

ಮಡಿಕೇರಿ: ಹಿಂದುಳಿದ ವರ್ಗಗಳ ಸಮುದಾಯದ ಪಟ್ಟಿಯಲ್ಲಿ ಕೊಡಗರು ಬದಲಿಗೆ ಕೊಡವ ಅಥವಾ ಕೊಡವರು ಎಂದು ತಿದ್ದುಪಡಿ ಮಾಡಲು ರಾಜ್ಯ ಸರ್ಕಾರ ಅಧಿಸೂಚನೆ ಹೊರಡಿಸಿದೆ. 

ಕರ್ನಾಟಕ ರಾಜ್ಯ ಹಿಂದುಳಿದ ವರ್ಗಗಳ ಆಯೋಗದ ಸಲಹೆಗಳನ್ನು ಅನುಸರಿಸಿ ಮತ್ತು ಕೊಡವ ನ್ಯಾಷನಲ್ ಕೌನ್ಸಿಲ್ ಸಲ್ಲಿಸಿದ ರಿಟ್ ಅರ್ಜಿಯ ವಿಚಾರಣೆಯ ನಂತರ ಈ ಆದೇಶ ಬಂದಿದೆ. 2002ರ ಮಾರ್ಚ್ ನಲ್ಲಿ ಕೊಡವ ಸಮುದಾಯವನ್ನು ಹಿಂದುಳಿದ ವರ್ಗಗಳ ಆಯೋಗದ 3A ವರ್ಗಕ್ಕೆ ಸೇರಿಸಲಾಯಿತು. ಆದರೆ, ಸಮುದಾಯದ ಹೆಸರನ್ನು ಕೊಡವರು/ಕೊಡವ ಬದಲಿಗೆ ಕೊಡಗರು ಎಂದು ತಪ್ಪಾಗಿ ನಮೂದಿಸಲಾಗಿತ್ತು. 

ಇದಲ್ಲದೆ, 2010ರಲ್ಲಿ ಹಿಂದುಳಿದ ವರ್ಗಗಳ ಆಯೋಗದಿಂದ ಕೊಡಗರು ಎಂಬ ಸಮುದಾಯದ ಹೆಸರನ್ನು ಕೊಡವರು ಎಂದು ತಿದ್ದುಪಡಿ ಮಾಡಲು ಸೂಚಿಸುವ ವಿಶೇಷ ವರದಿಯನ್ನು ಸಲ್ಲಿಸಲಾಯಿತು. ಈ ನಡುವೆ, ಬುಡಕಟ್ಟು ಸಮುದಾಯದ ವಿವಿಧ ಹಕ್ಕುಗಳಿಗಾಗಿ ಹೋರಾಡುತ್ತಿರುವ ಕೊಡವ ನ್ಯಾಷನಲ್ ಕೌನ್ಸಿಲ್ ಸಂಘಟನೆಯು ಸಮುದಾಯದ ಹೆಸರನ್ನು ಸರಿಪಡಿಸುವ ಆದೇಶವನ್ನು ಕೋರಿ ನ್ಯಾಯಾಲಯದಲ್ಲಿ ರಿಟ್ ಅರ್ಜಿ ಸಲ್ಲಿಸಿದ್ದರು. ಈ ಸಂಬಂಧ 2016ರಲ್ಲಿ ಹೈಕೋರ್ಟ್ ಕೌನ್ಸಿಲ್ ಪರವಾಗಿ ತೀರ್ಪು ನೀಡಿತು.

ಇದನ್ನೂ ಓದಿ: ರಾಜ್ಯದಲ್ಲಿ ಅಕ್ರಮವಾಗಿ ನೆಲೆಸಿರುವ ಬಾಂಗ್ಲಾ ಪ್ರಜೆಗಳ ಪತ್ತೆ, ಗಡಿಪಾರು- ವಿಧಾನಪರಿಷತ್ತಿನಲ್ಲಿ ಡಾ.ಜಿ. ಪರಮೇಶ್ವರ್

ಸಮುದಾಯದ ಹೆಸರನ್ನು ಸರಿಪಡಿಸಲು ಪರಿಷತ್ ಸದಸ್ಯರು ರಾಜ್ಯ ಸರ್ಕಾರದ ಮೇಲೆ ಒತ್ತಡ ಹೇರುತ್ತಲೇ ಇದ್ದರು. ಈಗ ಬದಲಾವಣೆ ಮಾಡಲು ಗೆಜೆಟ್ ಅಧಿಸೂಚನೆಯನ್ನು ಅಂಗೀಕರಿಸಲಾಗಿದೆ. ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ ರಾಜ್ಯ ಅಧೀನ ಕಾರ್ಯದರ್ಶಿ ಹೇಮಲತಾ ಎಂ ಅವರು ಸಹಿ ಮಾಡಿರುವ ಅಧಿಸೂಚನೆಯಲ್ಲಿ ಸಮುದಾಯದ ಹೆಸರನ್ನು 'ಕೊಡವ' 'Kodava' (ಇಂಗ್ಲಿಷ್ ಮತ್ತು ಕನ್ನಡ ಎರಡೂ) ಎಂದು ನಮೂದಿಸಲು ಎಲ್ಲಾ ಇಲಾಖೆಗಳಿಗೆ ಆದೇಶಿಸಲಾಗಿದೆ.

ಸಿಎನ್‌ಸಿ ಈ ಕ್ರಮವನ್ನು ಸ್ವಾಗತಿಸಿದ್ದರೆ, ಕೊಡವ ನ್ಯಾಷನಲ್ ಕೌನ್ಸಿಲ್ ಬದಲಿಗೆ ಕೌನ್ಸಿಲ್ ಹೆಸರನ್ನು 'ರಾಷ್ಟ್ರೀಯ ಕೊಡವ ಪರಿಷತ್' ಎಂದು ನಮೂದಿಸಿರುವ ಗೆಜೆಟ್ ಅಧಿಸೂಚನೆಯ ಬಗ್ಗೆ ವೇದಿಕೆಯ ಅಧ್ಯಕ್ಷ ಎನ್‌ಯು ನಾಚಪ್ಪ ಅಸಮಾಧಾನ ವ್ಯಕ್ತಪಡಿಸಿದರು. ಕೌನ್ಸಿಲ್ ಸಮುದಾಯದ ಹೆಸರನ್ನು ಇಂಗ್ಲಿಷ್‌ನಲ್ಲಿ 'Kodava' ಬದಲಿಗೆ 'Codava' ಎಂದು ನಮೂದಿಸಲು ಒತ್ತಾಯಿಸಿದೆ. ಈ ದೋಷಗಳನ್ನು ಮತ್ತೊಮ್ಮೆ ನ್ಯಾಯಾಲಯಕ್ಕೆ ಹೋಗುವುದಾಗಿ ಹೇಳಿದ್ದಾರೆ.