ಮಂಗಳೂರು: ದುಬೈನಿಂದ ಬಂದಿದ್ದ ಪ್ರಯಾಣಿಕನೊಬ್ಬ ಅಕ್ರಮವಾಗಿ ಸಾಗಿಸುತ್ತಿದ್ದ 20 ಲಕ್ಷ ರೂಪಾಯಿ ಮೌಲ್ಯದ ಚಿನ್ನವನ್ನು ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ(MIA) ಕಸ್ಟಮ್ಸ್ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.
ಆರೋಪಿ ಖೀರ್ ಮಿಕ್ಸ್ ಪ್ಯಾಕೆಟ್ಗಳಲ್ಲಿ ಚಿತ್ರವನ್ನು ಅಕ್ರಮವಾಗಿ ಸಾಗಿಸುತ್ತಿದ್ದನು. ಆತನಿಂದ 24 ಕ್ಯಾರೆಟ್ ಪರಿಶುದ್ಧ 347 ಗ್ರಾಂ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದ್ದು ಇದರ ಮೌಲ್ಯ 20 ಲಕ್ಷ ರೂಪಾಯಿ ಎಂದು ಸೋಮವಾರ ಕಸ್ಟಮ್ಸ್ ಪ್ರಕಟಣೆ ತಿಳಿಸಿದೆ.
ಇದನ್ನೂ ಓದಿ: ವಿಮಾನದ ತುರ್ತು ಬಾಗಿಲು ತೆರೆಯಲು ಯತ್ನ: ವ್ಯಕ್ತಿ ಬಂಧನ
ಪ್ರಯಾಣಿಕನು ಕಳೆದ ಶುಕ್ರವಾರ ದುಬೈನಿಂದ ಏರ್ ಇಂಡಿಯಾ ಎಕ್ಸ್ಪ್ರೆಸ್ ವಿಮಾನದಲ್ಲಿ ಮಂಗಳೂರಿಗೆ ಆಗಮಿಸಿದ್ದನು. ಆತನ ಬ್ಯಾಗೇಜ್ನಲ್ಲಿ, ಕಿಚನ್ ಟ್ರೆಶರ್ಸ್ ಬ್ರಾಂಡ್ನ ಐದು ಪ್ಯಾಕೆಟ್ಗಳ ಖೀರ್ ಮಿಶ್ರಣವಿತ್ತು. ಅನುಮಾನಗೊಂಡ ಅಧಿಕಾರಿಗಳು ಪ್ಯಾಕೆಟ್ಗಳನ್ನು ತೆರೆದಾಗ ಅದರಲ್ಲಿ ಬಚ್ಚಿಟ್ಟ ಚಿನ್ನಾಭರಣ ಪತ್ತೆಯಾಗಿದೆ.
Advertisement