ಉತ್ತರ ಕನ್ನಡದಲ್ಲಿ ಮಳೆ ಅವಾಂತರ: ಚರಂಡಿಯಲ್ಲಿ ಕೊಚ್ಚಿಹೋದ ಮಗು; ವರುಣನ ಆರ್ಭಟಕ್ಕೆ ಮೂವರ ದುರ್ಮರಣ

ಉತ್ತರ ಕನ್ನಡ/ ಭಟ್ಕಳ: ಕಳೆದ ಕೆಲವು ದಿನಗಳಿಂದ ಸುರಿಯುತ್ತಿರುವ ಭಾರೀ ಮಳೆಗೆ ಹಲವು ಅನಾಹುತಗಳು ಸಂಭವಿಸಿವೆ. ಉತ್ತರ ಕನ್ನಡದಲ್ಲಿ ಸುರಿದ ಭಾರಿ ಮಳೆಗೆ ಮೂವರು ಬಲಿಯಾಗಿದ್ದಾರೆ, ಅದರಲ್ಲಿ ಎರಡು ವರ್ಷದ ಮಗುವೊಂದು ತೆರೆದ ಚರಂಡಿಯಲ್ಲಿ ಕೊಚ್ಚಿ ಹೋಗಿರುವುದು ಸಿಸಿಟಿವಿಯಲ್ಲಿ ದಾಖಲಾಗಿದೆ.

ಶನಿವಾರ ಸಂಜೆಯಿಂದ ಸುರಿಯುತ್ತಿರುವ ಭಾರೀ ಮಳೆಗೆ ಮೂವರು ಸಾವನ್ನಪ್ಪಿದ್ದಾರೆ. ಮಳೆಯಿಂದಾಗಿ ಭೂಕುಸಿತ, ಮನೆ ಕುಸಿತ, ಬೆಳೆ ನಷ್ಟ ಸೇರಿದಂಕೆ ವ್ಯಾಪಕ ಹಾನಿಯಾಗಿದೆ.

ಎರಡು ವರ್ಷದ ಬಾಲಕಿ ಮನೆಯ ಹೊರಗೆ ಆಟವಾಡುತ್ತಿದ್ದಾಗ ಆಜಾದ್ ನಗರದಲ್ಲಿ ಕಾಲು ಜಾರಿ ಬಿದ್ದು ತೆರೆದ ಚರಂಡಿಗೆ ಬಿದ್ದಿದ್ದಾಳೆ. ಧಾರಾಕಾರವಾಗಿ ನೀರು ಹರಿಯುತ್ತಿದ್ದ ಕಾರಣ ಆಕೆ ಸಾವನ್ನಪ್ಪಿದ್ದಾಳೆ. ಬಾಲಕಿ ಚರಂಡಿಯಿಂದ ಹೊರಬರಲು ಆಸರೆಗಾಗಿ ಪ್ರಯತ್ನಿಸುತ್ತಿರುವುದು ಸಿಸಿಟಿವಿಯಲ್ಲಿ ದಾಖಲಾಗಿಗೆ. ಆದರೆ ಮಗುವನ್ನು ರಕ್ಷಿಸಲು ಸುತ್ತಮುತ್ತ ಯಾರೂ ಇರಲಿಲ್ಲ.

ಮೃತ ಮಗುವನ್ನು ತೌಸೀಫ್ ಮತ್ತು ಅರ್ಜೂ ದಂಪತಿಯ ಪುತ್ರಿ ಎಂದು ಮೂಲಗಳು ತಿಳಿಸಿವೆ. ನಂತರ ಆಕೆಯನ್ನು ಚರಂಡಿಯ ಕೆಳಗೆ ರಕ್ಷಿಸಲಾಯಿತು ಮತ್ತು ಆಸ್ಪತ್ರೆಗೆ ಸಾಗಿಸಲಾಯಿತು, ಅಲ್ಲಿ ಆಕೆ ಸಾವನ್ನಪ್ಪಿದ್ದಳು.

ಮೃತ ಮಗುವನ್ನು ತೌಸೀಫ್ ಮತ್ತು ಅರ್ಜೂ ದಂಪತಿಯ ಪುತ್ರಿ ಎಂದು ಮೂಲಗಳು ತಿಳಿಸಿವೆ. ನಂತರ ಆಕೆಯನ್ನು ಚರಂಡಿಯ ಕೆಳಗೆ ರಕ್ಷಿಸಲಾಯಿತು ಮತ್ತು ಆಸ್ಪತ್ರೆಗೆ ಸಾಗಿಸಲಾಯಿತು,

ಮತ್ತೊಂದು ಘಟನೆಯಲ್ಲಿ, ಗುಲ್ಮಿ ಬಿಲಾಲ್ಖಂಡ್ ಪ್ರದೇಶದಲ್ಲಿ ಮಹಾದೇವ್ ನಾರಾಯಣ್ ದೇವಾಡಿಗ ನೀರುನಲ್ಲಿ (50) ಕೊಚ್ಚಿ ಹೋಗಿದ್ದಾರೆ. ಭಾನುವಾರ ಬೆಳಿಗ್ಗೆ ಅವರ ಮೃತದೇಹವನ್ನು ಹೊರತೆಗೆದು ಕುಟುಂಬ ಸದಸ್ಯರಿಗೆ ಹಸ್ತಾಂತರಿಸಲಾಯಿತು.

ಭಟ್ಕಳ ತಾಲೂಕಿನ ಶಿರಾಲಿ-ಮಲ್ಲಾರಿಯಲ್ಲಿ ಮನೆ ಬಳಿಯ ನೀರು ತುಂಬಿದ ಗುಂಡಿಗೆ ಬಿದ್ದು ಮಂಜುನಾಥ ನಾಯಕ್ ಸಾವನ್ನಪ್ಪಿದ್ದಾರೆ. ಅವರ ಸಾವಿನ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ. ಭಾನುವಾರವೂ ಭಟ್ಕಳದಲ್ಲಿ ಭಾರಿ ಗಾಳಿ ಮತ್ತು ಮಳೆ ಮುಂದುವರೆದಿದ್ದು, ಮನೆಗಳಿಗೆ ಹಾನಿಯಾಗಿದ್ದು, ಹಲವು ಛಾವಣಿಗಳು ಹಾರಿಹೋಗಿವೆ.

ಹಲವು ಸ್ಥಳಗಳಲ್ಲಿ ರಸ್ತೆ ಬದಿಯ ಮರಗಳು ಕುಸಿದಿವೆ. ಕುಮಟಾ-ಶಿರಸಿ ರಸ್ತೆಯಲ್ಲಿ ಸಣ್ಣಪುಟ್ಟ ಭೂಕುಸಿತಗಳು ಸಂಭವಿಸಿವೆ ಎಂದು ವರದಿಯಾಗಿದ್ದು, ಈ ರಸ್ತೆಯಲ್ಲಿ ಸಂಚಾರ ನಿಷೇಧಿಸಬೇಕೆಂದು ನಿವಾಸಿಗಳು ಒತ್ತಾಯಿಸುತ್ತಿದ್ದಾರೆ.