ಬೆಂಗಳೂರು: ವಾಣಿಜ್ಯ ಬಾಹ್ಯಾಕಾಶಯಾನ 'ಆಕ್ಸಿಯಮ್-4'(Axiom-4) ನ ಯಶಸ್ವಿ ಉಡಾವಣೆಯು ಅದರ ಭಾಗವಾಗಿರುವ ಇಬ್ಬರು ಭಾರತೀಯ ಗಗನಯಾತ್ರಿಗಳಿಗೆ ಉತ್ತಮ ಕಲಿಕೆಯ ಅನುಭವ ಮಾತ್ರವಲ್ಲ, ಖಾಸಗಿ ಬಾಹ್ಯಾಕಾಶ ಸಂಸ್ಥೆಗಳು ಇನ್ನಷ್ಟು ಉಡಾವಣೆ ಮಾಡಲು ಅವಕಾಶದ ಬಾಗಿಲುಗಳನ್ನು ತೆರೆದಿದೆ ಎಂದು ತಜ್ಞರು ಮತ್ತು ಇಸ್ರೋ ಮಾಜಿ ಅಧಿಕಾರಿಗಳು ಹೇಳಿದ್ದಾರೆ.
ಗ್ರೂಪ್ ಕ್ಯಾಪ್ಟನ್‌ಗಳಾದ ಶುಭಾಂಶು ಶುಕ್ಲಾ ಮತ್ತು ಪ್ರಶಾಂತ್ ಬಾಲಕೃಷ್ಣನ್ ನಾಯರ್ - ಗಗನಯಾತ್ರಿಗಳ ಪ್ರಾಯೋಗಿಕ ಕಲಿಕೆಯನ್ನು ಹೊಂದಿರುವುದರಿಂದ ಭಾರತವು ಆಕ್ಸ್-4 ಕಾರ್ಯಾಚರಣೆಯಲ್ಲಿ 551 ಕೋಟಿ ರೂಪಾಯಿಗಳನ್ನು ಹೂಡಿಕೆ ಮಾಡುವ ಮೂಲಕ ಒಪ್ಪಂದ ಮಾಡಿಕೊಂಡಿದೆ ಎಂದು ಅವರು ಹೇಳಿದರು, ಇದನ್ನು ಗಗನಯಾನ್ ಮಿಷನ್ ಮತ್ತು ಬಾಹ್ಯಾಕಾಶ ನೌಕೆಗಳ ವಿನ್ಯಾಸವನ್ನು ಉತ್ತಮಗೊಳಿಸಲು ಬಳಸಬಹುದು.
ರಷ್ಯಾದ ಬಾಹ್ಯಾಕಾಶ ಸಂಸ್ಥೆ ರೋಸ್ಕೋಸ್ಮೋಸ್‌ನ ಜ್ವೆಜ್ಡಾ ಸ್ಪೇಸ್ ಮಾಡ್ಯೂಲ್‌ನಲ್ಲಿ ಅನಿಲ ಸೋರಿಕೆಯಾಗಿದ್ದರಿಂದ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣವು ಹಳೆಯದಾಗುತ್ತಿರುವುದರಿಂದ ಹೆಚ್ಚಿನ ಬಾಹ್ಯಾಕಾಶ ಕೇಂದ್ರಗಳ ರಚನೆಯನ್ನು ಅನ್ವೇಷಿಸುವ ಸಮಯ ಬಂದಿದೆ ಎಂದು ತಜ್ಞರು ಹೇಳಿದರು. ಅದರಲ್ಲಿರುವ ಉಪಕರಣಗಳು 15 ವರ್ಷಗಳ ಹಿಂದೆ ನಿರ್ಮಿಸಲಾಗಿರುವುದರಿಂದ ಹಳೆಯದಾಗಿವೆ.
ಇಸ್ರೋದ ಮಾಜಿ ನಿರ್ದೇಶಕ ಮೈಲ್ಸ್ವಾಮಿ ಅಣ್ಣಾದೊರೈ, ಬಾಹ್ಯಾಕಾಶವು ಈಗ ಕೆಲವು ದೇಶಗಳಿಗೆ ಅಥವಾ ಸರ್ಕಾರಕ್ಕೆ ಸೀಮಿತವಾಗಿಲ್ಲ. ಖಾಸಗಿ ವ್ಯಕ್ತಿಗಳು ಮತ್ತು ಕಂಪನಿಗಳು ಪಾತ್ರವನ್ನು ವಹಿಸುತ್ತಿವೆ. ಈ ಕಾರ್ಯಾಚರಣೆಯನ್ನು ಈಗ ಹೆಚ್ಚಿನ ಬಾಹ್ಯಾಕಾಶ ಕೇಂದ್ರಗಳನ್ನು ರಚಿಸಲು ಕಲಿಕೆಯ ರೇಖೆಯಾಗಿ ಬಳಸಬೇಕು. ಇಸ್ರೋ ಈಗಾಗಲೇ ಭಾರತೀಯ ಅಂತರಿಕ್ಷ ಮಿಷನ್‌ನಲ್ಲಿ ಕೆಲಸ ಮಾಡುತ್ತಿರುವುದರಿಂದ ಈ ಅವಕಾಶವನ್ನು ಬಳಸಿಕೊಳ್ಳಬೇಕು ಎಂದರು.
ಭಾರತವು ಇತರ ಬಾಹ್ಯಾಕಾಶ ಸಂಸ್ಥೆಗಳ ಸಹಯೋಗದೊಂದಿಗೆ ಮತ್ತೊಂದು ಬಾಹ್ಯಾಕಾಶ ನಿಲ್ದಾಣವನ್ನು ರಚಿಸುವಲ್ಲಿ ಮುಂಚೂಣಿಯಲ್ಲಿ ನಿಲ್ಲಬಹುದು ಎಂದು ಅಣ್ಣಾದೊರೈ ಹೇಳಿದರು.
ಸ್ವತಂತ್ರ ಬಾಹ್ಯಾಕಾಶ ಬರಹಗಾರ ಮತ್ತು ತಜ್ಞ ಜತನ್ ಮೆಹ್ತಾ, ಭಾರತ ಮತ್ತು ಯುಎಸ್ ಮಾನವ ಬಾಹ್ಯಾಕಾಶ ಹಾರಾಟ ಕಾರ್ಯಾಚರಣೆಗಳಿಗೆ ಸುಧಾರಿತ ಗಗನಯಾತ್ರಿ ತರಬೇತಿಯ ಸಹಕಾರಕ್ಕಾಗಿ ಒಪ್ಪಂದವನ್ನು ಹೊಂದಿದ್ದವು. ಆಕ್ಸ್ -4 ಮಿಷನ್ ಪ್ಯಾಕೇಜ್‌ನ ಭಾಗವಾಗಿತ್ತು ಎಂದು ಹೇಳಿದರು.
ಶುಭಾಂಶು ಶುಕ್ಲಾ ಬಾಹ್ಯಾಕಾಶ ನೌಕೆಯಲ್ಲಿರುವುದರಿಂದ, ಅವರು ಹೊತ್ತು ತರುವ ಮಾಹಿತಿ ಮತ್ತು ಜ್ಞಾನವು ಬಾಹ್ಯಾಕಾಶ ನೌಕೆಯನ್ನು ಹೇಗೆ ಉತ್ತಮವಾಗಿ ವಿನ್ಯಾಸಗೊಳಿಸಬಹುದು. ಮಿಷನ್ ಮತ್ತು ಪ್ರಯೋಗಗಳನ್ನು ಹೆಚ್ಚಿಸಬಹುದು ಎಂಬುದನ್ನು ಒಳಗೊಂಡಿರುತ್ತದೆ ಎಂದು ಹೇಳಿದರು. ಬಾಹ್ಯಾಕಾಶ ನೌಕೆ ಮತ್ತು ಬೇಸ್ ಸ್ಟೇಷನ್‌ಗಳೊಂದಿಗೆ ಸಮನ್ವಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಒಂದೇ ವಿಷಯದ ಬಗ್ಗೆ ಇಬ್ಬರೂ ವಿಭಿನ್ನ ದೃಷ್ಟಿಕೋನಗಳನ್ನು ಹೊಂದಿರುತ್ತಾರೆ, ಇದು ಭಾರತದ ಬಾಹ್ಯಾಕಾಶ ಯಾತ್ರೆಗಳನ್ನು ಉತ್ತಮಗೊಳಿಸುತ್ತದೆ.
Advertisement
