ಜಾಗತಿಕ ತಾಪಮಾನ ತಡೆಯುವುದು ಪ್ರತಿಯೊಬ್ಬರ ಜವಾಬ್ದಾರಿ: ಪ್ರಧಾನ ಮಂತ್ರಿ

ನವದೆಹಲಿ: ತಮ್ಮ ತಿಂಗಳ ರೇಡಿಯೋ ಕಾರ್ಯಕ್ರಮ ಮನ್ ಕಿ ಬಾತ್ ನ 14ನೇ ಆವೃತ್ತಿಯಲ್ಲಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಭಾನುವಾರ ಪರಿಸರದ ವಿಷಯವನ್ನು ಕೈಗೆತ್ತಿಕೊಂಡಿದ್ದಾರೆ. ಅವರು ಪ್ಯಾರಿಸ್ ನಲ್ಲಿ ನಡೆಯುವ ಜಾಗತಿಕ ಹವಾಮಾನ ಶೃಂಗಸಭೆಯಲ್ಲಿ ಭಾಗವಹಿಸಲು ಪ್ಯಾರಿಸ್ ಗೆ ತೆರಳುತ್ತಿದ್ದು, ಅದಕ್ಕೂ ಮುನ್ನ ರೇಡಿಯೋದಲ್ಲಿ ಮಾತನಾಡಿದ್ದಾರೆ.

• ಇಂದು ಹವಾಮಾನ ಬದಲಾವಣೆ, ಜಾಗತಿಕ ತಾಪಮಾನ ವಿಷಯಗಳು ಚರ್ಚೆಗೆ ಪೂರಕವಾಗಿವೆ. ಜಾಗತಿಕ ತಾಪಮಾನ ಹೆಚ್ಚಳಕ್ಕೆ ಇಂಧನವನ್ನು ಸಂರಕ್ಷಿಸುವುದು ಮೊದಲ ಪರಿಹಾರವಾಗಿದೆ. ಇದು ಪ್ರತಿಯೊಬ್ಬರ ಜವಾಬ್ದಾರಿಯಾಗಿದೆ.
• ಡಿಸೆಂಬರ್ 14 ರಾಷ್ಟ್ರೀಯ ಇಂಧನ ಸಂರಕ್ಷಣಾ ದಿನ. ಇಂಧನವನ್ನು ಸಂರಕ್ಷಿಸಲು ಅನೇಕ ಸರ್ಕಾರಿ ಯೋಜನೆಗಳಿವೆ. ಎಲ್ ಇಡಿ ಬಲ್ಬ್ ಬಳಕೆ ಅವುಗಳಲ್ಲೊಂದಾಗಿದೆ. ಕಾನ್ಪುರದ ನೂರ್ ಜೆಹಾನ್ ನಲ್ಲಿರುವ ನಿವಾಸಿಯೊಬ್ಬರು ಸೌರ ಶಕ್ತಿಯಿಂದ ವಿದ್ಯುತ್ ತಯಾರಿಸಿ ಬಡವರಿಗೆ ವಿದ್ಯುತ್ ಪೂರೈಸುತ್ತಿದ್ದಾರೆ.
• ಕಲುಷಿತ ಹೊಗೆಯನ್ನು ಹೊರಸೂಸುವುದನ್ನು ತಪ್ಪಿಸಲು ಅಭಿವೃದ್ಧಿ ಹೊಂದಿದ ದೇಶಗಳಿಂದ ಒತ್ತಡವಿದ್ದರೂ ಕೂಡ ಹವಾಮಾನ ನ್ಯಾಯಗಳಿಗೆ ಒತ್ತು ನೀಡುವಂತೆ ಭಾರತದ 25 ಸದಸ್ಯರ ನಿಯೋಗಕ್ಕೆ ಪ್ರಧಾನಿ ಕರೆ.
•  ಭಾರತದಲ್ಲಿ ಸುಮಾರು 200 ದಶಲಕ್ಷ ಮಂದಿಗೆ ಇನ್ನೂ ಕೂಡ ವಿದ್ಯುತ್ ಸಿಗುತ್ತಿಲ್ಲ.ಕಲ್ಲಿದ್ದಲು ಬಳಕೆಯಲ್ಲಿ ವಿಶ್ವದ ಮೂರನೇ ಅತಿದೊಡ್ಡ ದೇಶವಾದರೂ  ಅದರ ಬಳಕೆಯಲ್ಲಿ ಇತಿಮಿತ ಹಾಕುವುದನ್ನು ಒಪ್ಪುವುದಿಲ್ಲ.
•  2022ಕ್ಕೆ ನವೀಕರಣ ಮೂಲಗಳಿಂದ 175 ಗಿಗಾವಾಟ್ ವಿದ್ಯುತ್ ನ್ನು ಗಳಿಸುವ ಗುರಿಯನ್ನು ಭಾರತ ಹೊಂದಿದೆ.
•  ತಮಿಳುನಾಡು ರಾಜ್ಯದಲ್ಲಿ ಇತ್ತೀಚೆಗೆ ಸುರಿದ ಧಾರಾಕಾರ ಮಳೆಗೆ ಉಂಟಾದ ಅವ್ಯಾಹತ ಪ್ರವಾಹದಿಂದ ಸುಮಾರು 170 ಮಂದಿ ಪ್ರಾಣ ಕಳೆದುಕೊಂಡಿದ್ದು ಪ್ರಧಾನಿಯಿಂದ ತೀವ್ರ ಸಂತಾಪ.]
•  ತಮಿಳುನಾಡಿನಲ್ಲಿ ಉಂಟಾದ ಪ್ರಕೃತಿ ವಿಕೋಪಕ್ಕೆ ಜಾಗತಿಕ ತಾಪಮಾನ ಕಾರಣ. ಇದನ್ನು ತಡೆಗಟ್ಟಲು ದೇಶಗಳು ಪ್ರಯತ್ನಿಸಬೇಕು.
• ರೈತರನ್ನು ವಿದ್ಯಾವಂತರನ್ನಾಗಿ ಮಾಡಬೇಕಿದೆ. ಅವರನ್ನು ವಿದ್ಯಾವಂತರನ್ನಾಗಿ ಮಾಡಿದರೆ ಅನೇಕ ಸಮಸ್ಯೆಗಳನ್ನು ಪರಿಹರಿಸಬಹುದು.
•  ನವೆಂಬರ್ 27 ವಿಶ್ವ ಅಂಗಾಂಗ ದಾನ ದಿನ. ಅಂಗಾಂಗಗಳ ದಾನ ಮಹಾದಾನಗಳಲ್ಲಿ ಒಂದು. ವಿಶೇಷಚೇತನರ ಬಾಳಿಗಾಗಿ ಮತ್ತು ಅಗತ್ಯ ಇರುವವರ ಬಾಳನ್ನು ಕಾಪಾಡಲು ಅಂಗಾಂಗ ದಾನ ಮಾಡಬೇಕು. ವಿಕಲಾಂಗ ಚೇತನರ ಬದುಕು ಸವಾಲು ಮತ್ತು ಎಲ್ಲರಿಗೂ ಸ್ಪೂರ್ತಿ ಎಂದು ಪ್ರಧಾನಿ ಕರೆ.