ನ್ಯೂ ಹರೈಜನ್ ಕಾಲೇಜಿನಲ್ಲಿ ದ್ವಿತೀಯ ವರ್ಷದ ಎಂಸಿಎ ವ್ಯಾಸಂಗ ಮಾಡುತ್ತಿರುವ ನದೀಮ್ ಅಕ್ರಮ್ ಎಂಬ ವಿದ್ಯಾರ್ಥಿಗೆ 35,000 ಕಾಲೇಜು ಶುಲ್ಕ ಪಾವತಿ ಮಾಡಲು ಆರ್ಥಿಕ ಮುಗ್ಗಟ್ಟು ಎದುರಾಗಿತ್ತು. ದಿಕ್ಕುಕಾಣದಂತಾಗಿದ್ದ ವಿದ್ಯಾರ್ಥಿಗೆ ಕ್ರೌಡ್ ಫಂಡಿಂಗ್ ಮೊರೆ ಹೋಗುವಂತೆ ಸ್ನೇಹಿತರು ಸಲಹೆ ನೀಡಿದ್ದಾರೆ. ಸ್ನೇಹಿತರ ಸಲಹೆಯಂತೆ ನದೀಮ್ ಅಕ್ರಮ್ ಕ್ರೌಡ್ ಫಂಡಿಂಗ್ ವೇದಿಕೆ ಮಿಲಾಪ್ ನಲ್ಲಿ ಡಿ.19 ರಂದು ಪೇಜ್ ಪ್ರಾಂಭಿಸಿದ್ದಾರೆ. ಪೇಜ್ ಪ್ರಾರಂಭಿಸಿದ ಕೇವಲ ಒಂದು ದಿನದಲ್ಲೇ ನದೀಮ್ ಕಾಲೇಜಿಗೆ ಪಾವತಿ ಮಾಡಬೇಕಿದ್ದ ಹಣ ಪಡೆದಿದ್ದಾರೆ. ಕ್ರೌಡ್ ಫಂಡಿಂಗ್ ನೆರವಿನ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ನದೀಮ್ ಅಕ್ರಮ್, ನನಗೆ ಸಹಾಯ ಮಾಡಿರುವವರು ನನಗೆ ವೈಯಕ್ತಿಕವಾಗಿ ಪರಿಚಯವಿಲ್ಲ. ಆದರೆ ಅವರ ಕೊಡುಗೆಯಿಂದ ನನಗೆ ಸಹಾಯವಾಗಿದೆ ಎಂದು ಹೇಳಿದ್ದಾರೆ.
