ನವದೆಹಲಿ: ಮಹಾರಾಷ್ಟ್ರದ ಔರಾಂಗಾಬಾದ್ ಜಿಲ್ಲೆಯ ಬರಪೀಡಿತ ವಕ್ಲಾ ಗ್ರಾಮಕ್ಕೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ 2014 ರಲ್ಲಿ ಸಂಸದರ ನಿಧಿಯಿಂದ 1 ಕೋಟಿ ರೂ ಹಣವನ್ನು ದೇಣಿಗೆಯಾಗಿ ನೀಡಿದ್ದರು.
ಆದರೆ ಈ ಗ್ರಾಮದ ಜನರು 1 ಕೋಟಿ ಹಣವನ್ನು ಹಂಚಿಕೊಳ್ಳಲು ಸಭೆ ಸೇರಿದ್ದರು. ಜೊತೆಗೆ ಹೇಗೆ ಹಣವನ್ನು ಖರ್ಚು ಮಾಡಬೇಕು ಎಂಬುದರ ಬಗ್ಗೆ ಚರ್ಚಿಸಿದರು ಎಂದು ಸಚಿನ್ ತೆಂಡೂಲ್ಕರ್ ಕಚೇರಿ ಅಧಿಕಾರಿಗಳು ತಿಳಿಸಿದ್ದಾರೆ.
ನಂತರ ಸಚಿನ್ ತೆಂಡೂಲ್ಕರ್ ನೀಡಿದ ಒಂದು ಕೋಟಿ ರು. ದೇಣಿಗೆಯನ್ನು ಅವರವರಲ್ಲೇ, ಧರ್ಮ ಜಾತಿ, ಹಾಗೂ ಯಾವ ರಾಜಕೀಯ ಪಕ್ಷಗಳ ಜೊತೆ ಸಂಬಂಧ ಹೊಂದಿದ್ದಾರೆ ಎಂದು ಗುರುತಿಸಿ ಹಂಚಿಕೊಳ್ಳಬೇಕಾಗಿ ತೀರ್ಮಾನಿಸಲಾಯ್ತು. ಆದರೆ ಇದಕ್ಕೆ ಯಾರು ಒಮ್ಮತ ನೀಡದ ಕಾರಣ, ಸಚಿನ್ ನೀಡಲು ಬಯಸಿದ್ದ 1 ಕೋಟಿ ರು ದೇಣಿಗೆ ಹಣ ಅಲ್ಲಿಯೇ ಉಳಿಯಿತು ಯಾರು ಬಂದು ಹಣವನ್ನು ಸ್ವೀಕರಿಸಿಲ್ಲ ಎಂಬುದು ತಿಳಿದು ಬಂದಿದೆ.
ಅಬ್ಸರ್ವರ್ ರಿಸರ್ಚ್ ಫೌಂಡೇಶನ್ ನಡೆಸುತ್ತಿರುವ ಬರಪೀಡಿತ ಮರಾಠವಾಡದ ಹಿಂದಿನ ಕತೆಗಳ ಬಗ್ಗೆ ಸಂಶೋಧನೆಯಿಂದ ಈ ವಿಷಯ ತಿಳಿದು ಬಂದಿದೆ.
