ರಾಷ್ಟ್ರಪತಿ ಆಳ್ವಿಕೆ ತೆರವಿನ ನಂತರ ಮೊದಲ ಸಂಪುಟ ಸಭೆ ನಡೆಸಿದ ರಾವತ್

ಡೆಹ್ರಾಡೂನ್: ಉತ್ತರಾಖಾಂಡ್ ನಲ್ಲಿ ರಾಷ್ಟ್ರಪತಿ ಆಳ್ವಿಕೆ ತೆರವುಗೊಂಡು ಮುಖ್ಯಮಂತ್ರಿ ಸ್ಥಾನಕ್ಕೆ ಹಿಂದಿರುಗಿದುವ ಹರೀಶ್ ರಾವತ್ ಇಂದು ಸಂಪುಟ ಸಭೆ ನಡೆಸಿದ ಮುಖ್ಯಮಂತ್ರಿ ಹರೀಶ್ ರಾವತ್ ಈ ಹಿಂದೆ ತೆಗೆದುಕೊಂಡು ನಿರ್ಣಯಗಳ ಮತ್ತು ಸರ್ಕಾರಿ ಆದೇಶಗಳ  ಶೀಘ್ರ ಅನುಷ್ಟಾನಕ್ಕೆ ನಿರ್ಧರಿಸಿದ್ದಾರೆ.

ರಾವತ್ ಬಹುಮತ ಸಾಬೀತುಪಡಿಸಿದ ನಂತರ ನೆನ್ನೆಯಷ್ಟೇ ಉತ್ತರಾಖಾಂಡ್ ನಲ್ಲಿ ರಾಷ್ಟ್ರಪತಿ ಆಳ್ವಿಕೆ ಹಿಂತೆಗೆದುಕೊಳ್ಳುವುದಾಗಿ ಕೇಂದ್ರ ಸರ್ಕಾರ ಕೋರ್ಟ್ ಗೆ ತಿಳಿಸಿತ್ತು. ಸೆಕ್ರೆಟೆರಿಯಟ್ ನಲ್ಲಿ ಈ ಬೆಳಗ್ಗೆ ನಡೆದ ಸಂಪುಟ ಸಭೆಯಲ್ಲಿ ತೆಗೆದುಕೊಂಡ ನಿರ್ಧಾರಗಳನ್ನು ತಿಳಿಸಿದ ಮಾಹಿತಿ ಸಚಿವಾಲಯ, ಹಿಂದೆ ತೆಗೆದುಕೊಂಡ ನಿರ್ಣಯಗಳು ಮತ್ತು ಸರ್ಕಾರಿ ಆದೇಶಗಳ ಶೀಘ್ರ ಅನುಷ್ಠಾನಕ್ಕೆ ನಿಶ್ಚಯಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಸಂಪುಟ ಸಭೆಯ ನಂತರ ೧೨:೩೦ ಕ್ಕೆ ರಾವತ್ ನೀಡಬೇಕಾಗಿದ್ದ ಪತ್ರಿಕಾ ಗೋಷ್ಠಿಯನ್ನು ರದ್ದುಪಡಿಸಿದ್ದು, ರಾಜಕೀಯ ಅನಿಶ್ಚಿಯತೆಯಿಂದ ರಾಜ್ಯ ಬಹಳಷ್ಟು ಸಮಯ ಕಳೆದುಕೊಂಡಿದ್ದು, ಅದನ್ನು ಸರಿಪಡಿಸಲು ಹೆಚ್ಚು ಕೆಲಸ ಮಾಡುವ ಭರವಸೆ ನೀಡಿದ್ದಾರೆ.

೪೬ ದಿನಗಳವರೆಗೆ ಮುಖ್ಯಮಂತ್ರಿ ಸ್ಥಾನದಿಂದ ಹೊರದಬ್ಬಲಾಗಿದ್ದ ಹರೀಶ್ ರಾವತ್ ನೆನ್ನೆಯಷ್ಟೇ ಮತ್ತೆ ಸ್ಥಾನವನ್ನು ಅಲಂಕರಿಸಿದ್ದಾರೆ.