ಪ್ರಕರಣ ಸಂಬಂಧ ಒಟ್ಟು 23 ಸಾಕ್ಷಿಗಳನ್ನು ವಿಚಾರಣೆ ಮಾಡಲಾಗಿದೆ ಇದರ ಜತೆಗೆ ಮೊಬೈಲ್ ಸಂದೇಶ, ಇ-ಮೇಲ್ ಹಾಗೂ ವಾಟ್ಸಾಫ್ ಸಂದೇಶಗಳ ಪರಿಶೀಲನೆ ನಡೆಸಲಾಗಿದೆ. ಎಲ್ಲ ಸಾಕ್ಷ್ಯಗಳೂ ಸಂತ್ರಸ್ತೆಯ ಆರೋಪಕ್ಕೆ ಬಲ ನೀಡುತ್ತಿದೆ. ಪಚೌರಿ ಅವರಿಂದ ಸಂತ್ರಸ್ತೆಗೆ ಲೈಂಗಿಕ ಕಿರುಕುಳ, ಉದ್ದೇಶ ಪೂರ್ವಕವಾಗಿ ಹಿಂಬಾಲಿಸಿರುವುದು, ಅನುಚಿತ ಸನ್ನೆ, ಬೆದರಿಕೆ ಹಾಕಿರುವುದು ಕಂಡು ಬಂದಿದೆ ಎಂದಿರುವ ನ್ಯಾಯಾಧೀಶೆ ಶಿವಾನಿ ಚೌಹ್ವಾಣ್ ಅವರು, ಹೆಚ್ಚಿನ ವಿಚಾರಣೆಗಾಗಿ ಆರೋಪಿ ಪಚೌರಿಗೆ ಸಮನ್ಸ್ ಜಾರಿ ಮಾಡಿ, ವಿಚಾರಣೆಯನ್ನು ಜುಲೈ 11ಕ್ಕೆ ಮುಂದೂಡಿದ್ದಾರೆ.