ಇನ್ನು ದೇಶ ವಿರೋಧಿ ಚಟುವಟಿಕೆಗಳಲ್ಲಿ ತೊಡಗಿ ವಿದೇಶಿ ದೇಣಿಗೆ ಪರವಾನಗಿ ಕಳೆದುಕೊಂಡಿರುವ 25 ಎನ್ ಜಿ ಒ ಗಳ ಗುರುತಿನ ಬಗ್ಗೆ ಗೃಹ ಸಚಿವಾಲಯ ಈ ವರೆಗೂ ಹೆಚ್ಚಿನ ಮಾಹಿತಿ ಬಿಡುಗಡೆ ಮಾಡಿಲ್ಲ. ಇದು ದೇಶವಿರೋಧಿ ಚಟುವಟಿಕೆಗಳಲ್ಲಿ ತೊಡಗಿವೆ ಎನ್ನಲಾದ ಎನ್ ಜಿಒಗಳ ಕಥೆಯಾದರೆ, ಇನ್ನು ಪರವಾನಗಿ ನವೀಕರಣೆಕ್ಕೆ ಅರ್ಜಿಯೇ ಸಲ್ಲಿಸಿದ ಎನ್ ಜಿಒ ಗಳ ದೊಡ್ಡ ಪಟ್ಟಿಯೇ ಇದೆ. ಅರ್ಜಿ ಸಲ್ಲಿಸದ 11, 319 ಎನ್ ಜಿ ಒ ಗಳ ಪೈಕಿ ಆಕ್ಸ್ ಫಾಮ್ ಇಂಡಿಯಾ ಟ್ರಸ್ಟ್, ಅದಾನಿ ಫೌಂಡೇಶನ್, ಇಂದಿರಾಗಾಂಧಿ ನ್ಯಾಷನಲ್ ಸೆಂಟರ್ ಫಾರ್ ಆರ್ಟ್ಸ್(ಐಜಿಎನ್ ಸಿಎ), ಸಂಜಯ್ ಗಾಂಧಿ ಮೆಮೊರಿಯಲ್ ಟ್ರಸ್ಟ್, ಅಮರನಾಥ್ ಜಿ ದೇವಾಲಯ ಮಂಡಳಿಯ ಮುಖ್ಯಕಾರ್ಯನಿರ್ವಹಣಾಧಿಕಾರಿಯ ಕಚೇರಿ, ಇಂಡಿಯನ್ ಮೆಡಿಕಲ್ ಅಸೋಸಿಯೇಷ, ಇಂದಿರಾಗಾಂಧಿ ರಾಷ್ಟ್ರೀಯ ಮುಕ್ತ ವಿಶ್ವವಿದ್ಯಾನಿಲಯ(ಐಜಿಎನ್ಒಯು), ಮುಂಬೈ ಮೂಲದ ಜಸ್ಲೋಕ್ ಆಸ್ಪತ್ರೆ ಹಾಗೂ ಸಂಶೋಧನಾ ಕೇಂದ್ರ ಸೇರಿದಂತೆ ಪ್ರತಿಷ್ಠಿತ ಸಂಸ್ಥೆಗಳ ಹೆಸರುಗಳಿವೆ.