ಪೊಲೀಸ್ ಅಧಿಕಾರಿಗಳ ಈಗಿನ ಮಾಹಿತಿ ಪ್ರಕಾರ, ಅಲೀಘರ್ ನಿಂದ ಮಹಿಳೆಯೊಬ್ಬರು ಪತ್ರ ಬರೆದಿದ್ದಾರೆ ಎಂದು ತಿಳಿದುಬಂದಿದ್ದು ಈ ಬಗ್ಗೆ ಪೊಲೀಸರು ಹೆಚ್ಚಿನ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ. ನಜೀಬ್ ಅಹ್ಮದ್ ನ್ನು ಅಲೀಘರ್ ನ ಮಾರುಕಟ್ಟೆಯಲ್ಲಿ ನೋಡಿರುವುದಾಗಿ ಪತ್ರ ಬರೆದಿರುವ ಮಹಿಳೆ ತಿಳಿಸಿದ್ದಾರೆ. ನಜೀಬ್ ಅಹ್ಮದ್ ಅವರನ್ನುದ್ದೇಶಿಸಿ ಪತ್ರ ಬರೆಯಲಾಗಿದೆ. ಪತ್ರವನ್ನು ಸ್ವೀಕರಿಸಿರುವ ಹಾಸ್ಟೆಲ್ ಅಧ್ಯಕ್ಷ ಅಜೀಮ್ ಅದನ್ನು ನಜೀಬ್ ಅಹ್ಮದ್ ಅವರ ತಾಯಿಗೆ ನೀಡಿದ್ದು, ಈಗ ಕ್ರೈಂ ಬ್ರಾಂಚ್ ಕೈಸೇರಿದೆ.