ಭಯೋತ್ಪಾದನೆ ಹೇಡಿಗಳ ಅಸ್ತ್ರ: ಪಾಕ್ ವಿರುದ್ಧ ರಾಜನಾಥ್ ಪರೋಕ್ಷ ವಾಗ್ದಾಳಿ

ಗ್ರೇಟರ್ ನೋಯ್ಡಾ: ಭಾರತವನ್ನು ನೇರವಾಗಿ ಎದುರಿಸಲು ಸಾಧ್ಯವಾಗದೆ ಪಾಕಿಸ್ತಾನ ಭಯೋತ್ಪಾದನೆಯನ್ನು ಪ್ರಯೋಗಿಸುತ್ತಿದೆ ಎಂದು ಕೇಂದ್ರ ಗೃಹ ಸಚಿವ ರಾಜನಾಥ್ ಸಿಂಗ್ ಪಾಕಿಸ್ತಾನ ವಿರುದ್ಧ ಕಿಡಿಕಾರಿದ್ದಾರೆ. 

ಇಂಡೋ-ಟಿಬೆಟಿಯನ್ ಗಡಿ ಭದ್ರತಾ ಪಡೆಯ 55ನೇ ಸಂಸ್ಥಾಪನಾ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ರಾಜನಾಥ್ ಸಿಂಗ್ ನೆರೆಯ ರಾಷ್ಟ್ರ ಪಾಕಿಸ್ತಾನ ವಿರುದ್ಧ ಪರೋಕ್ಷ ವಾಗ್ದಾಳಿ ನಡೆಸಿದ್ದಾರೆ. ನೆರೆಯ ರಾಷ್ಟ್ರ ನಮ್ಮ ಮೇಲೆ ಪರೋಕ್ಷ ಯುದ್ಧ ಮಾಡುತ್ತಲೇ ಬಂದಿದೆ. ಆದರೆ ಭಯೋತ್ಪಾದನೆ ಪರಾಕ್ರಮಿಗಳ ಅಸ್ತ್ರವಲ್ಲ ಅದು ಹೇಡಿಗಳ ಅಸ್ತ್ರ ಎಂದು ಹೇಳಿದರು. 

ಭಾರತ-ಟಿಬೆಟ್ ಗಡಿ ಪೊಲೀಸ್(ಐಟಿಬಿಪಿ)ರ ತೀವ್ರ ನಿಗಾದಿಂದಾಗಿ ಈ ವರ್ಷ ಗಡಿಯಲ್ಲಿ ಚೀನಾ ಸೈನಿಕರು ಭಾರತದೊಳಗೆ ಬರುವುದು ಶೇ. 60ರಷ್ಟು ಕಡಿಮೆಯಾಗಿದೆ ಎಂದು ಯೋಧರನ್ನು ರಾಜನಾಥ್ ಸಿಂಗ್ ಪ್ರಶಂಸಿಸಿದರು.