ಹರಿಯಾಣ: ಹಿಸ್ಸಾರ್ ನ್ಯಾಯಾಲಯ ಮಂಗಳವಾರ ಸ್ವಯಂಘೋಷಿತ ದೇವ ಮಾನವ ರಾಮ್ ಪಾಲ್ ದಾಸ್ ಅವರನ್ನು ಮತ್ತು ಆತನ ಅನುಯಾಯಿಗಳ ವಿರುದ್ಧದ ಎರಡು ಪ್ರಕರಣಗಳಿಗೆ ಸಂಬಂಧಿಸಿದಂತೆ ಖುಲಾಸೆಗೊಳಿಸಿದೆ.
ಹಿಸ್ಸಾರ್ ನ ವಿಶೇಷ ನ್ಯಾಯಾಲಯದ ನ್ಯಾಯಮೂರ್ತಿ ಮುಖೇಶ್ ಕುಮಾರ್ ಅವರು ತೀರ್ಪು ನೀಡಿದ್ದು 2 ಕ್ರಿಮಿನಲ್ ಕೇಸ್ ಗಳಲ್ಲಿ ಸತ್ ಲೋಕ್ ಆಶ್ರಮದ ಸ್ಥಾಪಕ ರಾಮ್ ಪಾಲ್ ಖುಲಾಸೆಗೊಂಡಿರುವುದಾಗಿ ತೀರ್ಪು ಹೊರ ಬಿದ್ದಿದೆ.
ರಾಮ್ ಪಾಲ್ ವಿರುದ್ಧ ಭಾರತೀಯ ದಂಡ ಸಂಹಿತೆ ಸೆಕ್ಷನ್ 426 ಮತ್ತು 427ರ ಅಡಿ ಎರಡು ಪ್ರಕರಣಗಳು ದಾಖಲಾಗಿದ್ದವು. ಈಗ ಆ ಎರಡು ಪ್ರಕರಣಗಳಲ್ಲಿ ಅವರನ್ನು ಖುಲಾಸೆಗೊಳಿಸಲಾಗಿದೆ ಎಂದು ವಕೀಲ ಎಪಿ ಸಿಂಗ್ ಹೇಳಿದರು.
ಆದರೆ ರಾಮ್ ಪಾಲ್ ಮೇಲೆ ಹೇರಲಾಗಿರುವ ಕೊಲೆ ಆರೋಪ ಸೇರಿದಂತೆ ಬೇರೆ ಪ್ರಕರಣಗಳ ವಿಚಾರಣೆ ಮುಂದುವರ್ತಿದಿರುವ ಕಾರಣ ಜೈಲುವಾಸ ಮುಂದುವರಿಯಲಿದೆ ಎಂದು ವರದಿ ವಿವರಿಸಿದೆ
