ಲಖನೌ: ಉತ್ತರ ಪ್ರದೇಶದ ವಿಧಾನಸಭಾ ಚುನಾವಣೆಗೆ ಫೆ.11 ರಂದು ಮೊದಲ ಹಂತದ ಮತದಾನ ಪ್ರಾರಂಭವಾಗಿದ್ದು, 73 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದೆ.
ಪ್ರಮುಖ ವಿಧಾನಸಭಾ ಕ್ಷೇತ್ರಗಲ್ಲಿ ಬೆಳಿಗ್ಗೆ 9 ಗಂಟೆ ವರೆಗಿನ ಮತದಾನ ಪ್ರಮಾಣದ ಬಗ್ಗೆ ವರದಿಗಳು ಪ್ರಕಟವಾಗಿದ್ದು, ಅಲೀಘರ್ ವಿಧಾನಸಭಾ ಕ್ಷೇತ್ರದಲ್ಲಿ ಶೇ.10.5 ರಷ್ಟು ಮತದಾನ, ಬುಲಂದ್ ಶಹರ್ ನಲ್ಲಿ ಶೇ.12 ರಷ್ಟು ಮತದಾನ ನಡೆದಿದ್ದರೆ, ಮುಜಾಫರ್ ನಗರದಲ್ಲಿ ಶೇ.15 ರಷ್ಟು ಮತದಾನ ನಡೆದಿದೆ.
ಮತದಾನದ ಪ್ರಮುಖಾಂಶಗಳು
ಮೀರತ್ ನಲ್ಲಿ ಬಿಜೆಪಿ ಶಾಸಕ ಸರ್ಧಾನ ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿ ಸಂಗೀತ್ ಸೋಮ್ ಮತದಾನ
ಮಥುರಾದಲ್ಲಿ 115 ವಯಸ್ಸಿನ ವೃದ್ಧೆಯಿಂದ ಮತದಾನ
ಏಳು ಹಂತಗಳ ಮತದಾನದ ಪೈಕಿ ಮೊದಲನೇ ಹಂತದಲ್ಲಿ ಸುಮಾರು 73 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದ್ದು, 15 ಜಿಲ್ಲೆಗಳ ಒಟ್ಟು 2.6 ಕೋಟಿ ಜನರು ತಮ್ಮ ಹಕ್ಕನ್ನು ಚಲಾಯಿಸಲಿದ್ದಾರೆ.
