ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರ ಸರ್ಕಾರ ಹಮ್ಮಿಕೊಳ್ಳುವ ಗಣರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸದಂತೆ ಹಿಜ್ಬುಲ್ ಮುಜಾಹಿದೀನ್ ಸಂಘಟನೆ ಜನತೆಗೆ ಎಚ್ಚರಿಕೆ ನೀಡಿದೆ.
10 ನಿಮಿಷಗಳ ವಿಡಿಯೋ ಬಿಡುಗಡೆ ಮಾಡಿರುವ ಹಿಜ್ಬುಲ್ ಮುಜಾಹಿದೀನ್ ಸಂಘಟನೆ ಉಗ್ರನೊಬ್ಬ ಎಚ್ಚರಿಕೆಯ ಸಂದೇಶವನ್ನು ನೀಡಿದ್ದಾನೆ. ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿ ಮತ್ತು ಇತರ ರಾಜಕಾರಣಿಗಳಿಗೆ ಧೈರ್ಯವಿದ್ದರೆ ಭದ್ರತೆ ಇಲ್ಲದೆ 15 ನಿಮಿಷಗಳ ಕಾಲ ತಮ್ಮ ಮನೆಯಲ್ಲಿ ಇರುವಂತೆ ಬಹಿರಂಗ ಆಹ್ವಾನ ನೀಡಿದ್ದಾನೆ.
ಮುಫ್ತಿ ಮತ್ತು ಇತರ ಭಾರತ ಪರ ರಾಜಕಾರಣಿಗಳು ಮೊಸಳೆ ಕಣ್ಣೀರು ಹಾಕುವುದನ್ನು ನಿಲ್ಲಿಸಬೇಕು. ಅವರು ತಮ್ಮೊಂದಿಗೆ ದೇಶದ ಜನರು ಇದ್ದಾರೆ ಎಂದು ತಿಳಿದಿದ್ದಾರೆ. ನಿಜವಾಗಿಯೂ ಅವರೊಂದಿಗೆ ದೇಶದ ಜನರಿದ್ದರೆ ಮತ್ತು ಅವರಿಗೆ ಧೈರ್ಯವಿದ್ದರೆ ಯಾವುದೇ ಭದ್ರತೆ ಇಲ್ಲದೆ ತಮ್ಮ ಮನೆಯಲ್ಲಿ ಅಥವಾ ತಮ್ಮ ಸ್ವಕ್ಷೇತ್ರದಲ್ಲಿ 15 ನಿಮಿಷಗಳ ಕಾಲ ಇರಲಿ. ಆಗ ಅವರಿಗೆ ತಿಳಿಯುತ್ತದೆ ದೇಶದ ಜನರು ಯಾರೊಂದಿಗಿದ್ದಾರೆ ಎಂಬುದು ಎಂದು ಎಚ್ಚರಿಕೆ ನೀಡಿದ್ದಾನೆ.
