ಸುಕ್ಮಾ ದಾಳಿಗೆ ಪ್ರತೀಕಾರ: ಸಿಆರ್ ಪಿಎಫ್ ನಿಂದ 10-15 ಮಾವೋವಾದಿಗಳ ಹತ್ಯೆ

ರಾಯ್ ಪುರ: ಸುಕ್ಮಾ ದಾಳಿಗೆ ಸಿಆರ್ ಪಿಎಫ್ ಪ್ರತೀಕಾರ ತೆಗೆದುಕೊಂಡಿದ್ದು, 10-15 ಮಾವೋವಾದಿಗಳನ್ನು ಹತ್ಯೆ ಮಾಡಿದೆ. 

ಬಸ್ತಾರ್ ನ ದಾಂತೇವಾಡದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಸಿಆರ್ ಪಿಎಫ್ ಯೋಧರು ಕನಿಶ್ಥ 10-15 ಮಾವೋವಾದಿಗಳನ್ನು ಹತ್ಯೆ ಮಾಡಿದ್ದಾರೆ. ನಕ್ಸಲ್ ನಿಗ್ರಹ ಕಾರ್ಯಾಚರಣೆಗೆಂದು ನಮ್ಮ ಪಡೆಯ ಸಿಬ್ಬಂದಿ ಕಾಡಿನ ಒಳಹೊಕ್ಕಿದ್ದರು. ಈ ವೇಳೆ ನಡೆದ ಗುಂಡಿನ ದಾಳಿಯಲ್ಲಿ ಮಾವೋವಾದಿಗಳನ್ನು ಹತ್ಯೆ ಮಾಡಲಾಗಿದೆ ಎಂದು ಚತ್ತೀಸ್ ಗಢದ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ. 

ನಕ್ಸಲ್ ನಿಗ್ರಹ ಕಾರ್ಯಾಚರಣೆಯನ್ನು ಅತ್ಯಂತ ಯಶಸ್ವಿಯಾಗಿದೆಯೆಂದು ದಾಂತೇವಾಡದ ಡಿಐಜಿ ಪಿ.ಸುಂದರ್ ರಾಜ್ ಹೇಳಿದ್ದಾರೆ. ನಕ್ಸಲರಿಗಾಗಿ ಇನ್ನೂ ಶೋಧಕಾರ್ಯ ಮುಂದುವರೆದಿದೆ.