ಸಾಹಿತ್ಯ ಆಜ್ ತಕ್ ಸಮಾವೇಶದಲ್ಲಿ ಭಾಗವಹಿಸಿ ರಾಷ್ಟ್ರವಿರೋಧಿ ಮನಸ್ಥಿತಿಯ ಬಗ್ಗೆ ಮಾತನಾಡಿರುವ ಜಾವೇದ್ ಅಖ್ತರ್, ರಾಷ್ಟ್ರಪ್ರೇಮವನ್ನು ತಪ್ಪಾಗಿ ಅರ್ಥೈಸಲಾಗುತ್ತಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಕೆಲವರು ತಮ್ಮನ್ನೇ ರಾಷ್ಟ್ರ ಎಂದು ಭಾವಿಸಲು ಪ್ರಾರಂಭಿಸಿದ್ದಾರೆ, ಒಂದು ವೇಳೆ ಅದನ್ನು ವಿರೋಧಿಸಿದರೆ ನೀವು ರಾಷ್ಟ್ರವಿರೋಧಿಗಳಾಗುತ್ತೀರಿ. ರಾಜಕಾರಣಿಗಳು ರಾಷ್ಟ್ರಕ್ಕಿಂತ ದೊಡ್ಡವರಲ್ಲ, ಯಾವುದೇ ವ್ಯಕ್ತಿ ಅಥವಾ ರಾಜಕೀಯ ಪಕ್ಷಗಳು ತಾವು ರಾಷ್ಟ್ರಕ್ಕಿಂತ ದೊಡ್ಡವರೆಂದುಕೊಂಡರೆ ಅದು ತಪ್ಪು ಎಂದು ಜಾವೇದ್ ಅಖ್ತರ್ ಹೇಳಿದ್ದಾರೆ.