ಜಯಲಲಿತಾರ ಮೂಲ ಬೆರಳಚ್ಚು ನೀಡಿ: ಆಧಾರ್ ಪ್ರಾಧಿಕಾರ, ಬೆಂಗಳೂರು ಜೈಲಿಗೆ ಮದ್ರಾಸ್ 'ಹೈ' ಆದೇಶ

ಚೆನ್ನೈ: ತಮಿಳುನಾಡು ಮಾಜಿ ಮುಖ್ಯಮಂತ್ರಿ ದಿ.ಜೆ.ಜಯಲಲಿತಾ ಅವರ ಮೂಲ ಬೆರಳಚ್ಚು ಒದಗಿಸುವಂತೆ ಬೆಂಗಳೂರಿನ ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದ ಅಧೀಕ್ಷಕರಿಗೆ ಹಾಗೂ ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರ(ಯುಐಡಿಎಐ)ದ ಪ್ರಾದೇಶಿಕ ಕಚೇರಿಗೆ ಶುಕ್ರವಾರ ಆದೇಶಿಸಿದೆ.

2016ರ ನವೆಂಬರ್ ನಲ್ಲಿ ತಿರುಪ್ಪರಾಂಗುಂದ್ರಮ್ ವಿಧಾನಸಭೆಗೆ ನಡೆದ ಉಪ ಚುನಾವಣೆಯಲ್ಲಿ ಎಐಎಡಿಎಂಕೆ ಅಭ್ಯರ್ಥಿ ಎಕೆ ಬೋಸ್ ಅವರ ಆಯ್ಕೆಯನ್ನು ಪ್ರಶ್ನಿಸಿ ಡಾ.ಸರವಣನ್ ಅವರು ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಪಿ ವೇಲುಮುರಗನ್ ಅವರು, ಡಿಸೆಂಬರ್ 8ರೊಳಗೆ ಜಯಲಲಿತಾ ಅವರ ಮೂಲ ಬೆರಳಚ್ಚು ಒದಗಿಸುವಂತೆ ಬೆಂಗಳೂರು ಜೈಲಿಗೆ ಹಾಗೂ ಆಧಾರ್ ಪ್ರಾದೇಶಿಕ ಕಚೇರಿಗೆ ಸೂಚಿಸಿದ್ದಾರೆ.

ಉಪ ಚುನಾವಣೆ ವೇಳೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಜಯಲಲಿತಾ ಅವರ ಒಪ್ಪಿಗೆ ಇಲ್ಲದೆಯೇ ಮತ್ತು ಅರಿವಿಗೆ ಬಾರದೇ ಚುನಾವಣಾ ದಾಖಲೆಗಳಿಗೆ ಅವರ ಬೆರಳಚ್ಚನ್ನು ಪಡೆಯಲಾಗಿದೆ ಎಂದು ಸರವಣನ್ ಅವರು ತಮ್ಮ ಅರ್ಜಿಯಲ್ಲಿ ಆರೋಪಿಸಿದ್ದಾರೆ.

ಚುನಾವಣಾ ಆಯೋಗ ಬೋಸ್ ನಾಮಪತ್ರ ಸ್ವೀಕರಿಸಿರುವುದು ಚುನಾವಣಾ ನಿರೀಕ್ಷೆಗಳ ಮೇಲೆ ಪರಿಣಾಮ ಬೀರಿತ್ತು ಎಂದು ಸರವಣನ್ ದೂರಿದ್ದಾರೆ.