ಚಡ್ಡಿ ಧರಿಸಿರುವ ಮಹಿಳೆಯರನ್ನು ನೋಡಬೇಕೆಂದರೆ ಮಹಿಳಾ ಹಾಕಿ ವೀಕ್ಷಿಸಿ: ರಾಹುಲ್ ಗೆ ಆರ್ ಎಸ್ ಎಸ್

ಭೋಪಾಲ್: ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಶಾಖೆಗಳಲ್ಲಿ ಚಡ್ಡಿ ಧರಿಸಿದ ಮಹಿಳೆಯರನ್ನು ನೋಡಿದ್ದೀರಾ? ಎಂಬ ರಾಹುಲ್ ಗಾಂಧಿ ಅವರ ಹೇಳಿಕೆಗೆ ರಾಷ್ಟ್ರೀಯ ಸ್ವಯಂ ಸೇವಕ ಸಂಘ ಪ್ರತಿಕ್ರಿಯೆ ನೀಡಿದ್ದು, ರಾಹುಲ್ ಗಾಂಧಿಯವರು ಚಡ್ಡಿ ಧರಿಸಿರುವ ಮಹಿಳೆಯರನ್ನು ನೋಡಬೇಕೆಂದರೆ ಹಾಕಿ ಪಂದ್ಯಾಗಳನ್ನು ವೀಕ್ಷಿಸಲಿ ಎಂದು ಹೇಳಿದೆ. 

ರಾಹುಲ್ ಗಾಂಧಿಯವರು ತಪ್ಪಾದ ಪ್ರಶ್ನೆಗಳನ್ನು ಕೇಳುತ್ತಿದ್ದಾರೆ ಎಂದು ಸಂಘದ ಹಿರಿಯ ಮುಖಂಡ ಮನ್ ಮೋಹನ್ ವೈದ್ಯ ಹೇಳಿದ್ದಾರೆ. ರಾಹುಲ್ ಗಾಂಧಿಯ ಭಾಷಣವನ್ನು ತಯಾರು ಮಾಡುವವರು ಸಂಘವನ್ನು ಸರಿಯಾಗಿ ಅರ್ಥ ಮಾಡಿಕೊಂಡಿಲ್ಲ. ರಾಹುಲ್ ಗಾಂಧಿಯವರು ತಮ್ಮ ಭಾಷಣವನ್ನು ಸಿದ್ಧಪಡಿಸುವುದಕ್ಕೆ ಹೆಚ್ಚು ಬುದ್ಧಿವಂತ ಬರಹಗಾರರನ್ನು ಹೊಂದಬೇಕು ಎಂದು ವೈದ್ಯ ಸಲಹೆ ನೀಡಿದ್ದಾರೆ. 

ಸಾರ್ವಜನಿಕ ಭಾಷಣವೊಂದರಲ್ಲಿ ಮಾತನಾಡಿದ್ದ ರಾಹುಲ್ ಗಾಂಧಿ, ಆರ್ ಎಸ್ಎಸ್ ಶಾಖೆಗಳಲ್ಲಿ ಚಡ್ಡಿ ಧರಿಸಿದ ಮಹಿಳೆಯರನ್ನು ನೋಡಿದ್ದೀರಾ? ಎಂದು ಪ್ರಶ್ನಿಸಿದ್ದರು, ರಾಹುಲ್ ಗಾಂಧಿ ಅವರ ಈ ಹೇಳಿಕೆಗೆ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಸಹ ಅಸಮಾಧಾನ ವ್ಯಕ್ತಪಡಿಸಿ ಒಂದು ವೇಳೆ ಭಾರತದಲ್ಲಿ ಮಹಿಳೆಯಾಗಿ ಚಡ್ಡಿ ತೊಡುವುದು ಸಬಲೀಕರಣದ ಲಕ್ಷಣ ಎಂದು ರಾಹುಲ್ ಗಾಂಧಿ ನಂಬಿದ್ದರೆ, ನಾನು ಅದಕ್ಕೆ ವಿರುದ್ಧವಾಗಿದ್ದೇನೆ ಎಂದು ತಿಳಿಸಿದ್ದರು.