ಭಾರತದಲ್ಲಿ ಕಡಿಮೆ ವ್ಯಾಪ್ತಿಯ ಕ್ಷಿಪಣಿ ತಯಾರಿಕೆಗೆ ಸಾಬ್ ಉತ್ಸುಕ

ಸ್ಥಳೀಯವಾಗಿ ಬೇಕಿರುವ ಉಪಕರಣಗಳನ್ನು ಪಡೆದುಕೊಳ್ಳುವುದಕ್ಕಾಗಿ ಭಾರತದ 110 ಕಂಪನಿಗಳೊಂದಿಗೆ ಸಂಪರ್ಕದಲ್ಲಿರುವುದಾಗಿ ತಿಳಿಸಿದೆ. ಕಡಿಮೆ ವ್ಯಾಪ್ತಿಯ ಕ್ಷಿಪಣಿ (VSHORAD) ವ್ಯವಸ್ಥೆಯ ಪ್ರಸ್ತಾವನೆ ಸುಮಾರು 10 ವರ್ಷದಿಂದ ನೆನೆಗುದಿಗೆ ಬಿದ್ದಿದ್ದು, ಈ ಅವಕಾಶವನ್ನು ಮೇಕ್ ಇನ್ ಇಂಡಿಯಾ ಮೂಲಕ ಬಳಸಿಕೊಳ್ಳಲು ಸಾಬ್ ಉತ್ಸಾಹ ತೋರಿದೆ. 

ನಾವು ನಮ್ಮ ಉತ್ಪನ್ನದೊಂದಿಗೆ ಸಿದ್ಧವಿದ್ದೇವೆ, ಗ್ರಾಹಕ( ಭಾರತ ಸರ್ಕಾರ) ಪಡೆದುಕೊಳ್ಳುವುದಷ್ಟೇ ಬಾಕಿ ಎಂದು ಸಾಬ್ ಡೈನಮಿಕ್ಸ್ ನ ವಾಣಿಜ್ಯ ವಿಭಾಗದ ನಿರ್ದೇಶಕ ಬೋ ಆಲ್ಕ್ವಿಸ್ಟ್ ತಿಳಿಸಿದ್ದಾರೆ. ಇದೇ ವೇಳೆ ಏ.11 ರಿಂದ ನಡೆಯುವ 2018 ನೇ ಸಾಲಿನ ಡಿಫೆನ್ಸ್ ಎಕ್ಸ್ಪೋದಲ್ಲಿ ತಂತ್ರಜ್ಞಾನ ಪ್ರದರ್ಶನದಲ್ಲಿ ಸಾಬ್ ಭಾಗಿಯಾಗಲಿವೆ. 

ರಷ್ಯಾದಿಂದ ಪಡೆದುಕೊಂಡಿರುವ ಕಡಿಮೆ ವ್ಯಾಪ್ತಿಯ ಕ್ಷಿಪಣಿ ವ್ಯವಸ್ಥೆಯನ್ನು ಬದಲಾವಣೆ ಮಾಡಬೇಕಿದ್ದು, ಈ ವರ್ಷ ಭಾರತ ಸರ್ಕಾರ ಹೊಸ ಕ್ಷಿಪಣಿ ವ್ಯವಸ್ಥೆಯನ್ನು ಖರೀದಿಸುವುದರ ಬಗ್ಗೆ ಅಂತಿಮ ನಿರ್ಧಾರ ಕೈಗೊಳ್ಳಲಿದೆ.