ಬವಾಲಿಯಾ 2017 ರಲ್ಲಿ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಗೆದ್ದಿದ್ದರು. ಆದರೆ ಕಾಂಗ್ರೆಸ್ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿ ಬಿಜೆಪಿಗೆ ಸೇರ್ಪಡೆಯಾದ ಕೇವಲ 3 ಗಂಟೆಗಳಲ್ಲಿ ಬವಾಲಿಯಾಗೆ ರುಪಾನಿ ಸಚಿವ ಸಂಪುಟದಲ್ಲಿ ಸ್ಥಾನ ನೀಡಲಾಗಿತ್ತು. ಇದೀಗ ಜಸ್ದಾನ್ ಉಪಚುನಾವಣೆಯಲ್ಲಿ ಬಿಜೆಪಿ ಮತ್ತೊಂದು ಸ್ಥಾನ ಹೆಚ್ಚು ಗಳಿಸಿ 100 ಶಾಸಕರನ್ನು ಹೊಂದಿದ್ದರೆ 2017 ರ ಚುನಾವಣೆಯಲ್ಲಿ 77 ಶಾಸಕರನ್ನು ಹೊಂದಿದ್ದ ಕಾಂಗ್ರೆಸ್ ಶಾಸಕರ ಸಂಖ್ಯೆ ಈಗ 76 ಕ್ಕೆ ಇಳಿಕೆಯಾಗಿದೆ. ಬವಾಲಿಯಾಗೆ 90,262 ಮತಗಳು ಲಭಿಸಿದ್ದರೆ, ಕಾಂಗ್ರೆಸ್ ಅಭ್ಯರ್ಥಿ ನಕಿಯಾಗೆ 70,283 ಮತಗಳು ಸಿಕ್ಕಿದ್ದು 2,146 ನೋಟಾ ಮತಗಳು ಚಲಾವಣೆಯಾಗಿವೆ.