ಸ್ವಚ್ಛ ಭಾರತದಡಿಯಲ್ಲಿ 50 ಲಕ್ಷ ಮನೆಗಳಿಗೆ ಶೌಚಾಲಯ : ಕೇಂದ್ರಸರ್ಕಾರ

ನವದೆಹಲಿ: ಸ್ವಚ್ಛ ಭಾರತ ಅಭಿಯಾನದಡಿಯಲ್ಲಿ ನಗರ ಪ್ರದೇಶದಲ್ಲಿ 50 ಲಕ್ಷ   ಮನೆಗಳಿಗೆ ವೈಯಕ್ತಿಕ  ಶೌಚಾಲಯ ನಿರ್ಮಿಸಿಕೊಡಲಾಗಿದೆ  , ಮತ್ತೊಂದು ಹಂತದಲ್ಲಿ  7.65 ಲಕ್ಷ  ಶೌಚಾಲಯ ನಿರ್ಮಾಣ ಕಾರ್ಯ ಪ್ರಗತಿಯಲ್ಲಿದೆ  ಎಂದು ಕೇಂದ್ರ ನಗರಾಭಿವೃದ್ದಿ ಸಚಿವ ಹರ್ದೀಪ್ ಸಿಂಗ್ ಪುರಿ  ಹೇಳಿದ್ದಾರೆ.

ಲೋಕಸಭೆಯಲ್ಲಿಂದು ಪ್ರಶ್ನೋತ್ತರ ವೇಳೆಯಲ್ಲಿ ಉತ್ತರಿಸಿದ ಅವರು,  ಬಯಲು ಮುಕ್ತ ಶೌಚಾಲಯ ನಿರ್ಮಾಣ ಯೋಜನೆಯಡಿ 50 ಲಕ್ಷದ 04 ಸಾವಿರದ , 098 ವೈಯುಕ್ತಿಕ  ಶೌಚಾಲಯಗಳನ್ನು ನಿರ್ಮಿಸಲಾಗಿದೆ.  ಮತ್ತೊಂದು ಹಂತದಲ್ಲಿ 7 ಲಕ್ಷದ 62 ಸಾವಿರದ , 556 ಶೌಚಾಲಯ ನಿರ್ಮಾಣ ಕಾರ್ಯ ಪ್ರಗತಿಯಲ್ಲಿದೆ ಎಂದು ತಿಳಿಸಿದ್ದಾರೆ.