ನವದೆಹಲಿ ; ರಾಫೆಲ್ ಜೆಟ್ ವಿಮಾನ ಖರೀದಿಗಾಗಿ ಪ್ರಧಾನಮಂತ್ರಿ ನರೇಂದ್ರಮೋದಿ ನೇತೃತ್ವದ ಸರ್ಕಾರ 1100 ಕೋಟಿ ರೂ ಹೆಚ್ಚಿಗೆ ಹಣ ಪಾವತಿಸುವ ಮೂಲಕ 36 ಸಾವಿರ ಕೋಟಿ ರೂ. ನಷ್ಟ ಉಂಟಾಗಿದೆ ಎಂದು ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಆರೋಪಿಸಿದ್ದಾರೆ.
ಮಾಜಿ ಪ್ರಧಾನಿ ಮನ್ ಮೋಹನ್ ಸಿಂಗ್ ನೇತೃತ್ವದ ಸರ್ಕಾರದ ಅವಧಿಯಲ್ಲಿ 570 ಕೋಟಿ ರೂಗೆ ರಾಫೆಲ್ ಜೆಟ್ ವಿಮಾನ ಖರೀದಿಸಲು ನಿರ್ಧರಿಸಲಾಗಿತ್ತು. ಆದರೆ, ನರೇಂದ್ರಮೋದಿ ನೇತೃತ್ವದ ಸರ್ಕಾರ 16570 ಕೋಟಿ ರೂ ನೀಡಿ ರಾಫೆಲ್ ಜೆಟ್ ಖರೀದಿಸಿದೆ ಎಂಬುದು ರಾಫೆಲ್ ಉತ್ಪಾದನಾ ಕಂಪನಿ ಡಾಸಾಲ್ಟ್ ನ 2016ರ ವಾರ್ಷಿಕ ವರದಿಯಿಂದ ತಿಳಿದುಬಂದಿದೆ ಎಂದಿದ್ದಾರೆ.
ರಾಫೆಲ್ ವಿಮಾನ ಖರೀದಿಗಾಗಿ ರಕ್ಷಣಾ ಮಂತ್ರಿಯಿಂದ ಪಡೆದಿರುವ ಹಣದ ಬಗ್ಗೆ ಡಾಸಾಲ್ಟ್ ನ 2016ರ ವಾರ್ಷಿಕ ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಕ್ವಾತರ್ 1319 ಕೋಟಿ, ಮೋದಿ,1670 ಕೋಟಿ, ಮನ್ ಮೋಹನ್ ಸಿಂಗ್ 570 ಕೋಟಿ, ಪ್ರತಿ ವಿಮಾನಕ್ಕಾಗಿ 1100 ಕೋಟಿ ಹೆಚ್ಚುವರಿ ಹಣ . ಶೇಕಡ 10ರಷ್ಟು ನಮ್ಮ ರಕ್ಷಣಾ ಬಜೆಟ್ ಜೇಬಿಗಿಳಿದಿದೆ. ಈ ಮಧ್ಯೆ ಹಣಕ್ಕಾಗಿ ನಮ್ಮ ಸೈನಿಕರು ಸರ್ಕಾರದ ಬಳಿ ಅಂಗಲಾಚುತ್ತಿದ್ದಾರೆ ಎಂದು ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದಾರೆ.
Advertisement