ಎಂ.ಜೆ.ಅಕ್ಬರ್ ಜತೆ ಸಹಮತದ ಸಂಬಂಧ ಇರಲಿಲ್ಲ, ಸತ್ಯ ಹೇಳುವುದನ್ನು ಮುಂದುವರೆಸುವೆ: ಪಲ್ಲವಿ ಗೊಗೋಯ್

ನ್ಯಾಷನಲ್ ಪಬ್ಲಿಕ್ ರೇಡಿಯೋದ ವಾಣಿಜ್ಯ ವಿಭಾಗದ ಸಂಪಾದಕರಾಗಿರುವ ಪಲ್ಲವಿ ಗೊಗೋಯ್, ಎಂ ಜೆ ಅಕ್ಬರ್ ಪತ್ರಕರ್ತರಾಗಿದ್ದಾಗ ತನ್ನ ಮೇಲೆ ಅತ್ಯಾಚಾರ ನಡೆಸಿದ್ದರು ಎಂದು ಆರೋಪಿಸಿದ್ದರು. ಈ ಬಳಿಕ ಪ್ರತಿಕ್ರಿಯೆ ನೀಡಿದ್ದ ಅಕ್ಬರ್, ಪಲ್ಲವಿ ಅವರೊಂದಿಗೆ ಸಹಮತದ ಸಂಬಂಧವಿತ್ತು ಎಂದು ಹೇಳಿದ್ದಾರೆ. ಆದರೆ ಅಕ್ಬರ್ ಹೇಳಿಕೆಯನ್ನು ತಿರಸ್ಕರಿಸಿರುವ ಪಲ್ಲವಿ ಗೋಗೋಯ್, ತಾನು ಮಾಡಿದ್ದ ಆರೋಪದ ಪ್ರತಿ ಪದಕ್ಕೂ ಈಗಲೂ ಬದ್ಧ ಎಂದು ಸ್ಪಷ್ಟಪಡಿಸಿದ್ದಾರೆ. 

ಪಲ್ಲವಿ ಜತೆ ಸಹಮತದ ಸಂಬಂಧ ಇತ್ತು. ನಾವಿಬ್ಬರು ಕೆಲವು ತಿಂಗಳ ಕಾಲ ಜೊತೆಗಿದ್ದೇವು. ಇದು ನನ್ನ ಸಂಸಾರಿಕ ಜೀವನದಲ್ಲಿ ಭಾರಿ ಕೋಲಾಹಲ ಎಬ್ಬಿಸಿತ್ತು ಎಂದು ಅಕ್ಬರ್ ಸ್ಪಷ್ಟನೆ ನೀಡಿದ್ದರು.